സമ്മര്‍ദ്ദം താങ്ങാനാവാത്തതിനാല്‍ പാതിവഴിയില്‍ കോഹ്‌ലി ആര്‍സിബി നായകസ്ഥാനം ഒഴിയാന്‍ സാധ്യത. ഇന്ത്യന്‍ മുന്‍ താരം ഗൗതം ഗംഭീറാണ് ഇങ്ങനൊരു നീക്കത്തിന് സാധ്യതയുണ്ടെന്ന് അഭിപ്രായപ്പെട്ടത്. കോഹ്‌ലി ഏറെ പ്രയാസപ്പെടുന്നുണ്ടെന്നും കൊല്ക്കത്തയ്ക്കെതിരായ മത്സരത്തിലൂടെ അത് വളരെ വ്യക്തമായെന്നും ഗംഭീര്‍ പറയുന്നു.
‘കൊല്‍ക്കത്ത നൈറ്റ് റൈഡേഴ്സിനെതിരേ കോഹ്‌ലി ബാറ്റ് ചെയ്ത രീതി നോക്കുക.അതില്‍ നിന്ന് തന്നെ എത്രത്തോളം അവന്‍ പ്രയാസപ്പെടുന്നുണ്ടെന്ന് വ്യക്തമാകും. ഈ സീസണിന്റെ പാതിവഴിയില്‍ വെച്ച് തന്നെ അവനെ നായകസ്ഥാനത്ത് മാറ്റാനുള്ള സാധ്യതകളുണ്ട്. മറ്റ് ടീമുകളും ഇതിന് മുമ്പ് ഇത്തരത്തില്‍ ചെയ്തിട്ടുണ്ട്.’
Read more
‘കെകെആര്‍ ദിനേഷ് കാര്‍ത്തികിനെ മാറ്റിയതും സണ്‍റൈസേഴ്സ് ഡേവിഡ് വാര്‍ണറെ മാറ്റിയതും നോക്കുക. ഇവരെയെല്ലാം പാതിവഴിയിലാണ് നായകസ്ഥാനത്ത് നിന്ന് മാറ്റിയത്. അതിനാല്‍ത്തന്നെ ആര്‍സിബിയിലും ഇത് സംഭവിച്ചേക്കാം. കൊല്ക്കത്തയ്ക്കെതിരായ മത്സരത്തിന് ശേഷമാണ് എനിക്ക് ഈ ചിന്ത ഉണ്ടായത്. ഒരു മോശം മത്സരം കൂടി ഉണ്ടായാല്‍ പാതിവഴിയില്‍ ആര്‍സിബിയുടെ നായകസ്ഥാനത്ത് മാറ്റം വന്നേക്കാം’ ഗൗതം ഗംഭീര്‍ പറഞ്ഞു.
