അര്‍ദ്ധ സെഞ്ച്വറിക്കരികെ ദേവ്ദത്ത്; ബാംഗ്ലൂര്‍ മികച്ച നിലയില്‍

ഐ.പി.എല്‍ 13ാം സീസണിലെ മൂന്നാം മത്സരത്തില്‍ സണ്‍റൈസേഴ്‌സ് ഹൈദരാബാദിനെതിരെ റോയല്‍ ചലഞ്ചേഴ്‌സ് ബാംഗ്ലൂര്‍ മികച്ച നിലയില്‍. 9 ഓവര്‍ പൂര്‍ത്തിയാക്കുമ്പോള്‍ ബാംഗ്ലൂര്‍ വിക്കറ്റൊന്നും നഷ്ടപ്പെടാതെ 75 റണ്‍സ് എന്ന നിലയിലാണ്. 43 റണ്‍സുമായി ദേവ്ദത്തും 27 റണ്‍സുമായി ഫിഞ്ചുമാണ് ക്രീസില്‍. ടോസ് നേടിയ ഹൈദരാബാദ് ബാംഗ്ലൂരിനെബാറ്റിംഗിന് അയക്കുകയായിരുന്നു.

ഫിഞ്ചിനൊപ്പം ബാംഗ്ലൂര്‍ ഇന്നിംഗ്‌സ് ഓപ്പണ്‍ ചെയ്ത മലയാളി താരം ദേവ്ദത്ത് പടിക്കല്‍ മികച്ച പ്രകടനമാണ് കാഴ്ചവെക്കുന്നത്. ഇരുവരും ചേര്‍ന്ന പവര്‍പ്ലേയില്‍ 53 റണ്‍സാണ് അടിച്ചെടുത്തത്. അതില്‍ 37 റണ്‍സും നേടിയത് ദേവ്ദത്തായിരുന്നു. കാലിന് പരിക്കേറ്റ മിച്ചല്‍ മാര്‍ഷ് മടങ്ങിയത് ഹൈദരാബാദിന് തിരിച്ചടിയായി. കാലിലിന് പരിക്കേറ്റ മാര്‍ഷ് ഓവര്‍ പൂര്‍ത്തിയാക്കാതെയാണ് മടങ്ങിയത്.

Image

റോയല്‍ ചാലഞ്ചേഴ്‌സ് ബാംഗ്ലൂര്‍- ആരോണ്‍ ഫിഞ്ച്, ദേവ്ദത്ത് പടിക്കല്‍, വിരാട് കോഹ്‌ലി (ക്യാപ്റ്റന്‍), എബി ഡിവില്ലിയേഴ്‌സ്, ജോഷ് ഫിലിപ്പെ, ശിവം ദുബെ, വാഷിങ്ടണ്‍ സുന്ദര്‍, ഉമേഷ് യാദവ്, നവദീപ് സെയ്‌നി, ഡെയ്ല്‍ സ്റ്റെയ്ന്‍, യുസ്വേന്ദ്ര ചഹല്‍.

സണ്‍റൈസേഴ്സ് ഹൈദരാബാദ്- ഡേവിഡ് വാര്‍ണര്‍ (ക്യാപ്റ്റന്‍), ജോണി ബെയര്‍സ്റ്റോ, മനീഷ് പാണ്ഡെ, വിജയ് ശങ്കര്‍, പ്രിയം ഗാര്‍ഗ്, അഭിഷേക് ശര്‍മ, മിച്ചെല്‍ മാര്‍ഷ്, റാഷിദ് ഖാന്‍, ഭുവനേശ്വര്‍ കുമാര്‍, ടി നടരാജന്‍, സന്ദീപ് ശര്‍മ.