ഐ.പി.എല് 13ാം സീസണിലെ രണ്ടാം മത്സരത്തില് കിംഗ്സ് ഇലവന് പഞ്ചാബിനെതിരെ ഡല്ഹി ക്യാപിറ്റല്സിന് ബാറ്റിംഗ് തകര്ച്ച. 9 ഓവര് പൂര്ത്തിയാക്കുമ്പോള് ഡല്ഹി മൂന്ന് വിക്കറ്റ് നഷ്ടത്തില് 45 റണ്സ് എന്ന നിലയിലാണ്. 15 റണ്സ് വീതം നേടി നായകന് ശ്രേയസ് അയ്യറും ഋഷഭ് പന്തുമാണ് ക്രീസില്. ടോസ് നേടിയ പഞ്ചാബ് ഡല്ഹിയെ ബാറ്റിംഗിന് അയക്കുകയായിരുന്നു.
കളി തുടങ്ങി നാല് ഓവറിനുള്ളില് മൂന്ന് മുന്നിര വിക്കറ്റുകളാണ് ഡല്ഹിയ്ക്ക് നഷ്ടമായത്. മത്സരത്തിന്റെ രണ്ടാം ഓവറില് അക്കൗണ്ട് തുറക്കാതെ ശിഖര് ധവാന് റണ്ണൗട്ടായി മടങ്ങി. പൃഥ്വി ഷായുമായുണ്ടായ ആശയക്കുഴപ്പാണ് വിക്കറ്റ് നഷ്ടപ്പെടുത്തിയത്. നാലാം ഓവറില് പൃഥ്വി ഷാ (5) ക്രിസ് ജോര്ദാന് ക്യാച്ച് നല്കി പുറത്തായി. ഷമിക്കായിരുന്നു വിക്കറ്റ്. ആ ഓവറില് തന്നെ ഷിംറോണ് ഹെറ്റ്മയറെയും (7) ഷമി മടക്കി. മായങ്ക് അഗര്വാളിന് ക്യാച്ച് നല്കിയായിരുന്നു ഹെറ്റ്മയറുടെ മടക്കം.
ഡല്ഹി ടീം: ശിഖര് ധവാന്, പൃഥ്വി ഷാ, ശ്രേയസ് അയ്യര് (ക്യാപ്റ്റന്), ഋഷഭ് പന്ത്, ഷിംറോണ് ഹെറ്റ്മയര്, മാര്ക്കസ് സ്റ്റോയ്നിസ്, അക്സര് പട്ടേല്, രവിചന്ദ്രന് അശ്വിന്, കഗീസോ റബാദ, ആന്റിച് നോര്ജെ, മോഹിത് ശര്മ
Read more
പഞ്ചാബ് ടീം: ലോകേഷ് രാഹുല് (ക്യാപ്റ്റന്), മായങ്ക് അഗര്വാള്, കരുണ് നായര്, സര്ഫറാസ് ഖാന്, ഗ്ലെന് മാക്സ്വെല്, നിക്കോളാസ് പുരാന്, കൃഷ്ണപ്പ ഗൗതം, ക്രിസ് ജോര്ദാന്, ഷെല്ഡണ് കോട്രല്, രവി ബിഷ്ണോയ്, മുഹമ്മദ് ഷമി