ന്യൂസിലന്‍ഡിനെതിരെ അവരുടെ നാട്ടില്‍ ഇതാദ്യമായി ടി20 പരമ്പര ജയിച്ച ഇന്ത്യന്‍ ടീമിനെ പ്രശംസ കൊണ്ട് മൂടി മുന്‍ പാക് ഇതിഹാസം ഇന്‍സമാം ഉള്‍ ഹഖ്. ഇന്ത്യയെ ലോകോത്തര ടീമാക്കി മാറ്റുന്നത് മൂന്ന് കാരണം കൊണ്ടാണെന്ന് ഇന്‍സമാം തുറന്നു പറയുന്നു.
ഒന്നാമത്തെ കാരണമായി ഇന്‍സമാം ചൂണ്ടികാണിയ്ക്കുന്നത് ടീമില്‍ രോഹിത്ത് ശര്‍മ്മയും, വിരാട് കോഹ്ലിയും ഉണ്ട് എന്നതാണ്. ഇരുവരും ഉള്ളിടത്തോളം കാലം ടീം ഇന്ത്യ അജയ്യമായിരിക്കുമെന്ന് ഇന്‍സമാം നിരീക്ഷിക്കുന്നു.
രണ്ടാമത്തെ കാരണം കോഹ്ലിയ്ക്കും രോഹിത്തിനും ഉറച്ച പിന്തുണ നല്‍കാന്‍ കെ എല്‍ രാഹുലിനെയും ശ്രേയസ് അയ്യരെയും പോലുള്ള യുവതാരങ്ങളുമുണ്ട് എന്നതാണ്. വലിയ താരങ്ങളെ കൊണ്ട് മാത്രം ചിലപ്പോള്‍ കളി ജയിക്കാനാകില്ലെന്നും രാഹുലും ശ്രേയസും എല്ലാം ചേര്‍ന്ന് ഈ കുറവ് പരിഹരിക്കുന്നത് ഇന്ത്യയ്ക്ക് ഗുണകരമാണെന്നും ഇന്‍സമാം തുറന്നു പറയുന്നു.
Read more
അതെസമം മൂന്നാമത്തെ കാരണമായി ഇന്‍സമാം ചൂണ്ടികാണിയ്ക്കുന്നത് ഇന്ത്യന്‍ നായകനെന്ന നിലയില്‍ വിരാട് കോഹ്ലിയുടെ ശരീരഭാഷയാണ്. കോഹ്ലിയുടെ ശരീരഭാഷ കൊണ്ട് തന്നെ മറ്റ് കളിക്കാര്‍ക്ക് മികച്ച പ്രകടനം കാഴ്ച്ചവെയ്ക്കാന്‍ പ്രചോദനമാണെന്ന് ഇന്‍സമാം കൂട്ടിചേര്‍ക്കുന്നു.
