മഴ കളി മുടക്കിയപ്പോള്‍ ഷനകയ്ക്ക് ദ്രാവിഡ് ഓതിയത് വിജയമന്ത്രമോ!, ശേഷം കണ്ടത് ലങ്കയുടെ തിരിച്ചുവരവ്

ഇന്ത്യയ്‌ക്കെതിരായ മൂന്നാം ഏകദിനം ജയിച്ചതോടെ തെല്ലാശ്വാസത്തിലാണ് ശ്രീലങ്ക. ആദ്യ രണ്ട് മത്സരങ്ങളും ജയിച്ച് മൂന്ന് മത്സരങ്ങളുടെ പരമ്പര ഇന്ത്യ നേടിയപ്പോള്‍ മൂന്നാം ഏകദിനത്തില്‍ ശ്രീലങ്കയ്ക്ക് ജയിച്ചേ മതിയാകുമായിരുന്നുള്ളു. അതെന്തായാലും അവര്‍ നേടിയെടുക്കുകയും ചെയ്തു.

മൂന്നാം ഏകദിനം ഇടയ്ക്ക് മഴ തടസപ്പെടുത്തിയപ്പോള്‍ ഒരു മനോഹര കാഴ്ചയ്ക്ക് ക്രിക്കറ്ഖറ്റ് ലോകം സാക്ഷിയായി. ശ്രീലങ്കന്‍ നായകന്‍ ദസുന്‍ ഷനക രാഹുലിന്റെ അടുത്തെത്തി ഉപദേശം തേടിയതായിരുന്നു ആ കാഴ്ച. മഴക്ക് ശേഷം മത്സരം പുനരാരംഭിക്കുന്നതിന് മുമ്പായി ഗ്രൗണ്ടിലിറങ്ങിയ രാഹുല്‍ ദ്രാവിഡിന്റെ അടുത്തേക്ക് ഷനക എത്തി സംസാരിക്കുകയായിരുന്നു.

Might be asking Dravid to coach their national side': Shanaka's interaction with Indian head coach gets Twitter talking | Cricket - Hindustan Times

ദ്രാവിഡ് സംസാരിക്കുന്നത് കൈകെട്ടി കേട്ടുനില്‍ക്കുന്ന ദസുണിന്റെ ചിത്രങ്ങള്‍ ഇതിനോടകം തന്നെ സോഷ്യല്‍ മീഡിയയില്‍ വൈറലായിട്ടുണ്ട്. മഴ കളി മുടക്കിയപ്പോള്‍ ഷനകന് ദ്രാവിഡോതിയത് വിജയ മന്ത്രമാണോ എന്നാണ് ക്രിക്കറ്റ് പ്രേമികള്‍ ചോദിക്കുന്നത്. മഴയ്ക്ക് ശേഷം കളി പുനരാംരംഭിച്ചപ്പോള്‍ ഇന്ത്യന്‍ ബാറ്റിംഗ് നിര തകരുന്ന കാഴ്ചയാണ് കണ്ടത്. 147 ന് മൂന്ന് എന്ന നിലയില്‍ കളി ആരംഭിച്ച ഇന്ത്യ 227 റണ്‍സില്‍ ഓള്‍ഔട്ടായി.

മഴ കാരണം 47 ഓവറായി ചുരുക്കിയ മത്സരത്തില്‍ ഇന്ത്യ മൂന്ന് വിക്കറ്റിനാണ് പരാജയപ്പെട്ടത്. ഇന്ത്യ മുന്നോട്ടുവെച്ച 228 റണ്‍സിന്റെ വിജയലക്ഷ്യം 48 ബോളുകല്‍ ബാക്കി നില്‍ക്കെ 7 വിക്കറ്റ് നഷ്ടപ്പെടുത്തി ശ്രീലങ്ക മറികടന്നു.