ഇന്ത്യന്‍ താരം ശ്രേയസ് അയ്യരുടെ ടെസ്റ്റ് അരങ്ങേറ്റത്തെ പ്രശംസിച്ച് ഓസീസ് മുന്‍ നായകന്‍ റിക്കി പോണ്ടിംഗ്. ഇത് ശ്രേയസ് അര്‍ഹിച്ച നേട്ടം തന്നെയാണെന്ന് പോണ്ടിംഗ് ട്വിറ്ററില്‍ കുറിച്ചു. ഐപിഎല്ലില്‍ ഡല്‍ഹി ക്യാപിറ്റല്‍സിന്റെ മുഖ്യ പരിശീലകനാണ് പോണ്ടിംഗ്.
‘കഴിഞ്ഞ കുറച്ച് വര്‍ഷങ്ങളായി നീ ചെയ്ത എല്ലാ അധ്വാനങ്ങളും നോക്കുമ്പോള്‍ ഇത് വളരെയധികം നീ അര്‍ഹിക്കുന്നു. ഇതൊരു തുടക്കം മാത്രം. നിന്നെയോര്‍ത്ത് അഭിമാനിക്കുന്നു’ പോണ്ടിംഗ് ട്വിറ്ററില്‍ കുറിച്ചു.
ഇന്ത്യക്കായി ടെസ്റ്റ് അരങ്ങേറ്റം കുറിക്കുന്ന 303ാമത്തെ പുരുഷ ക്രിക്കറ്റ് താരമാണ് ശ്രേയസ് അയ്യര്‍. നേരത്തെ തന്നെ ഇന്ത്യക്കായി പരിമിത ഓവറില്‍ അരങ്ങേറ്റം കുറിച്ച ശ്രേയസിന് ഇപ്പോഴാണ് ടെസ്റ്റ് അരങ്ങേറ്റം സാധ്യമായത്. കിട്ടിയ അവസരം താരം നല്ലവിധം മുതലാക്കുകയും ചെയ്തു. മത്സരത്തില്‍ അര്‍ദ്ധ സെഞ്ച്വറി നേടിയ താരം സെഞ്ച്വറിയോട് അടുത്ത് കൊണ്ടിരിക്കുകയാണ്.
Read more
ഫസ്റ്റ്ക്ലാസ് ക്രിക്കറ്റില്‍ മികച്ച ബാറ്റിംഗ് റെക്കോഡുള്ള താരമാണ് ശ്രേയസ് അയ്യര്‍. 54 മത്സരത്തില്‍ നിന്ന് 52.18 ശരാശരിയില്‍ 4592 റണ്‍സാണ് അദ്ദേഹത്തിന്റെ പേരിലുള്ളത്. ഇതില്‍ 23 അര്‍ധ സെഞ്ച്വഫിയും 12 സെഞ്ച്വറിയും ഉള്‍പ്പെടും.
