ഇന്ത്യയും ഇംഗ്ലണ്ടും തമ്മിലുള്ള രണ്ടാം ടെസ്റ്റിന്റെ വേദിയായ ചെന്നൈയിലെ പിച്ചിനെ ചൊല്ലി കൊമ്പുകോര്ത്ത് ഇംഗ്ലണ്ടിന്റെ മുന് നായകന് മൈക്കല് വോണും ഓസ്ട്രേലിയയുടെ മുന് സ്പിന് ഇതിഹാസം ഷെയ്ന് വോണും. ചെന്നൈയിലെ പിച്ച് മോശമാണെന്ന മൈക്കല് വോണിന്റെ വിമര്ശനമാണ് കൊമ്പുകോര്ക്കലിന് വഴിവെച്ചത്.
“കമോണ് കൂട്ടുകാരാ, ആദ്യ ടെസ്റ്റിന്റെ അവസാനദിവസങ്ങളില് പിച്ച് വളരെയധികം മാറിപ്പോയിരുന്നു. ഇന്ത്യക്കു ആദ്യ ടെസ്റ്റില് ജയിക്കാന് ഒരു അവസരവുമില്ലാതിരുന്നപ്പോള് ആരും പിച്ചിനെക്കുറിച്ച് ഒന്നും പറഞ്ഞിരുന്നില്ല. എന്നാല് ഈ ടെസ്റ്റില് ആദ്യ ബോള് മുതല് ഇരുടീമുകള്ക്കും തുല്യസാദ്ധ്യതയാണ്.”
“ഇംഗ്ലണ്ടിന്റെ ബോളിംഗ് മോശമായിരുന്നു. രോഹിത്, രഹാനെ, പന്ത് എന്നിവര് എങ്ങനെയാണ് ബാറ്റ് ചെയ്യേണ്ടതെന്നു കാണിച്ചു തരികയും ചെയ്തു. ബാറ്റും ബോളും തമ്മിലുള്ള ബാലന്സായിട്ടുള്ള പോരാട്ടം കാണാനാണ് നമ്മള് ആഗ്രഹിക്കുന്നത്” ഷെയ്ന് വോണ് പറഞ്ഞു.
Read more
ഇന്ത്യ ദയനീയമായി പരാജയപ്പെട്ട ആദ്യ ടെസ്റ്റ് നടന്ന അതേ സ്റ്റേഡിയത്തിലാണ് രണ്ടാം മത്സരവും നടക്കുന്നത്. ഒന്നാം ടെസ്റ്റില് ഇംഗ്ലണ്ട് മേല്ക്കെ നേടിയെങ്കില് രണ്ടാം ടെസ്റ്റില് ഭാഗ്യം ഇന്ത്യയ്ക്കൊപ്പമാണ്. മൂന്നാം ദിനം കളി പുരോഗമിക്കുമ്പോള് ഇന്ത്യയ്ക്ക് 400 റണ്സിന് മേല് ലീഡുണ്ട്.