ഇംഗ്ലണ്ടിനെതിരായ മൂന്നാം ക്രിക്കറ്റ് ടെസ്റ്റിനിറങ്ങിയ ഇന്ത്യന് പേസര് ഇഷാന്ത് ശര്മ്മ പൂര്ണ ആരോഗ്യവാനായിരുന്നില്ലെന്ന് സൂചന. താരത്തിന്റെ മോശം ബോളിംഗ് പ്രകടനവും ഇത് ശരിവെയ്ക്കുന്നു. 22 ഓവര് എറിഞ്ഞ താരം 92 റണ്സാണ് വിട്ടുകൊടുത്തത്. വിക്കറ്റൊന്നും വീഴ്ത്തിയതുമില്ല. ഇഷാന്ത് പൂര്ണ ഫിറ്റല്ലാത്തതിനാലാണ് മികച്ച പ്രകടനം കാഴ്ചവെയ്ക്കാന് സാധിക്കാത്തതെന്നും കോഹ്ലിയുടെ പിടിവാശി കാരണമാണ് താരത്തെ കളിപ്പിച്ചതെന്നും അഭിപ്രായപ്പെട്ടിരിക്കുകയാണ് മുന് താരം മനീന്ദര് സിംഗ്.
‘സത്യസന്ധമായി പറഞ്ഞാല് ഇത് ഞെട്ടിക്കുന്ന കാര്യമാണ്. പലപ്പോഴും നായകന്മാര്ക്ക് നിര്ബന്ധ ബുദ്ധിയുള്ളതായി എനിക്കറിയാം. ജസ്പ്രീത് ബുംറയേയോ മുഹമ്മദ് ഷമിയേയോ വെച്ച് ഓപ്പണ് ചെയ്യണമെന്നാവും പൊതുവേയുള്ള അഭിപ്രായമെങ്കിലും ഇഷാന്തിനെ പരിഗണിക്കും. ഇത് പലപ്പോഴും ക്യാപ്റ്റന്റെ നിര്ബന്ധബുദ്ധി കൊണ്ട് ചെയ്യാറുണ്ട്. ധോണിയും ഇത് പലപ്പോഴും ചെയ്തിട്ടുള്ള കാര്യമാണ്.’
Read more
‘ആളുകള് വിമര്ശിക്കുന്ന കാര്യങ്ങളെ വീണ്ടും ചെയ്ത് ആളുകളുടെ വിമര്ശനം തെറ്റായിരുന്നുവെന്ന് തെളിയിക്കാനുള്ള ശ്രമമാണിത്. അതിനായി തെറ്റുകള് ആവര്ത്തിക്കും. ഇഷാന്ത് പൂര്ണ ആരോഗ്യവാനാണെന്ന് തോന്നുന്നില്ല. കാരണം 11 ഓവര് എറിഞ്ഞപ്പോള് ഒരു മെയ്ഡന് പോലും ഇല്ലായിരുന്നു. നാല് റണ്സില് അധികമായിരുന്നു ഇക്കോണമി’ മനീന്ദര് സിംഗ് പറഞ്ഞു.