ഇന്ത്യയ്ക്കെതിരായ ആദ്യ ഏകദിനത്തില്‍ ഓസീസ് നായകന്‍ ആരോണ്‍ ഫിഞ്ചിന് സെഞ്ച്വറി. 124 ബോള്‍ നേരിട്ട ഫിഞ്ച് 114 റണ്‍സെടുത്തു. രണ്ട് സിക്സും 9 ഫോറും അടങ്ങുന്നതാണ് ഫിഞ്ചിന്റെ പ്രകടനം. 42 ഓവര്‍ പൂര്‍ത്തിയാകുമ്പോള്‍ മൂന്ന് വിക്കറ്റ് നഷ്ടത്തില്‍ 281 റണ്‍സെന്ന ശക്തമായ നിലയിലാണ് ഓസീസ്.
ഐ.പി.എല്ലിലെ ക്ഷീണം സിഡ്‌നിയില്‍ തീര്‍ക്കുന്ന സ്മിത്തിനെയാണ് മത്സരത്തില്‍ കാണാനാകുന്നത്. 36 ബോളില്‍ അര്‍ദ്ധ സെഞ്ച്വറി പിന്നിട്ട സ്മിത്ത് 47 ബോളില്‍ 72 റണ്‍സുമായി പുറത്താകാതെ നില്‍ക്കുകയാണ്. 2 സിക്സും 7 ഫോറും അടങ്ങുന്നതാണ് സ്മിത്തിന്‍റെ പ്രകടനം. 7 റണ്‍സുമായി സ്മിത്തിനൊപ്പം മാക്സ്വെല്ലാണ് ക്രീസില്‍.
76 ബോള്‍ നേരിട്ട വാര്‍ണര്‍ ആറ് ഫോറുകളുടെ അകമ്പടിയില്‍ 69 റണ്‍സ് നേടി. ഫിഞ്ച്-വാര്‍ണര്‍ ഓപ്പണിംഗ് കൂട്ടുകെട്ട് 156 റണ്‍സാണ് സ്കോര്‍ ബോര്‍ഡില്‍ ചേര്‍ത്തത്. നേരിട്ട ആദ്യ ബോളില്‍ തന്നെ മാര്‍ക്കസ് സ്റ്റോയിനിസ് രാഹുലിന് ക്യാച്ച് നല്‍കി മടങ്ങി. സ്‌റ്റോയിനിസിനെ ചഹല്‍ മടക്കിയപ്പോള്‍ വാര്‍ണറെ ഷമിയും ഫിഞ്ചിനെ ബുംറയും മടക്കി.
ഇന്ത്യന്‍ ടീം: ശിഖര്‍ ധവാന്‍, മായങ്ക് അഗര്‍വാള്‍, വിരാട് കോഹ്‌ലി, ശ്രേയസ് അയ്യര്‍, കെ.എല്‍.രാഹുല്‍, ഹാര്‍ദിക് പാണ്ഡ്യ, രവീന്ദ്ര ജഡേജ, മുഹമ്മദ് ഷമി, യുസ്വേന്ദ്ര ചാഹല്‍, ജസ്പ്രീത് ബുംറ, നവ്ദീപ് സൈനി
Read more
ഓസീസ് ടീം: ആരോണ്‍ ഫിഞ്ച്, ഡേവിഡ് വാര്‍ണര്‍, സ്റ്റീവ് സ്മിത്ത്, മാര്‍ക്കസ് സ്റ്റോയിനിസ്, മാര്‍നസ് ലബുഷെയ്ന്‍, ഗ്ലെന്‍ മാക്സ്വെല്‍, അലെക്സ് ക്യാരി, പാറ്റ് കമ്മിന്‍സ്, മിച്ചല്‍ സ്റ്റാര്‍ക്ക്, ആദം സാംപ, ജോഷ് ഹെയ്സല്‍വുഡ്
