ഇന്ത്യ വിചാരിച്ചാല്‍ പാകിസ്ഥാന്‍ ക്രിക്കറ്റിനെ തരിപ്പണമാക്കാം; നഗ്നസത്യം വെളിപ്പെടുത്തി റമീസ് രാജ

ടി20 ലോക കപ്പ് അടുത്തിരിക്കെ ഇന്ത്യ- പാകിസ്ഥാന്‍ പോരിനായി കാത്തിരിക്കുകയാണ് ക്രിക്കറ്റ് ലോകം. ഒക്ടോബര്‍ 24 നാണ് ക്രിക്കറ്റ് ലോകം കാത്തിരിക്കുന്ന സൂപ്പര്‍ പോര്. ഇപ്പോഴിതാ പാകിസ്ഥാന്‍ ടീമിന് സന്തോഷം നല്‍കുന്ന ഒരു വാര്‍ത്ത പങ്കുവെച്ചിരിക്കുകയാണ് പാകിസ്ഥാന്‍ ക്രിക്കറ്റ് ബോര്‍ഡ് പ്രസിഡന്റ് റമിസ് റാജ. വരുന്ന ടി20 ടൂര്‍ണമെന്റില്‍ ഇന്ത്യയെ തോല്‍പ്പിച്ചാല്‍ ടീമിന് ഒരു നിക്ഷേപകന്‍ ബ്ലാങ്ക് ചെക്ക് സ്പോണ്‍സര്‍ ചെയ്തിട്ടുണ്ടെന്നാണ് റമീസ് രാജ അറിയിച്ചിരിക്കുന്നത്. ഒപ്പം പാക് ക്രിക്കറ്റ് ബോര്‍ഡിന്റെ അവസ്ഥയും റമീസ് രാജ വിശദീകരിച്ചു.

‘പാകിസ്ഥാന്‍ ക്രിക്കറ്റ് ബോര്‍ഡിന്റെ ഫണ്ടിന്റെ 50 ശതമാനവും ഇന്റനാഷനല്‍ ക്രിക്കറ്റ് കൗണ്‍സില്‍ നല്‍കുന്നതാണ്. ഐസിസിയുടെ ഫണ്ടില്‍ 90 ശതമാനവും വരുന്നത് ഇന്ത്യയില്‍ നിന്നുമാണ്. അവര്‍ ഐസിസിക്ക് ഫണ്ട് നല്‍കുന്നത് നിര്‍ത്തിയാല്‍ പിസിബി തകര്‍ന്നു പോകും. തങ്ങള്‍ ഐസിസിക്ക് ഒന്നും നല്‍കുന്നില്ല.’

Ramiz Raja set to become PCB chairman | Dhaka Tribune

‘കഴിഞ്ഞ മാസം പാകിസ്ഥാനില്‍ കളിക്കാനെത്തിയ ന്യൂസിലാന്‍ഡ് ടീം അവരുടെ ഗവണ്‍മെന്റ് മുന്നറിയിപ്പനുസരിച്ച് അവസാന നിമിഷം മടങ്ങിയിരുന്നു. പിസിബിക്ക് നല്ല സാമ്പത്തിക ഭദ്രതയുണ്ടെങ്കില്‍ ടീമുകള്‍ കളിക്കാതെ മടങ്ങില്ല. മികച്ച ടീമും മികച്ച ക്രിക്കറ്റ് സാമ്പത്തിക രംഗവും ഉണ്ടാകുന്നത് വെല്ലുവിളിയാണ്.’ ഇന്‍റര്‍ പ്രൊവിഷണല്‍ കൗണ്‍സിലിന്റെ സ്റ്റാന്‍ഡിംഗ് കമ്മിറ്റിയില്‍ റമീസ് രാജ പറഞ്ഞു.

T20 World Cup: India vs Pakistan tickets for Dubai match sold out - News | Khaleej Times

യുഎഇ ആതിഥ്യം വഹിക്കുന്ന ടി20 ലോക കപ്പ് ക്രിക്കറ്റിലെ ഹൈലൈറ്റാണ് ഇന്ത്യയും പാകിസ്ഥാനും തമ്മിലെ പോരാട്ടം. ക്രിക്കറ്റ് ആരാധകര്‍ ആകാംക്ഷയോടെയാണ് ആ മത്സരത്തിനായി കാത്തിരിക്കുന്നത്. ഗ്രൂപ്പ് ഘട്ടത്തില്‍ ഇന്ത്യ ഒക്ടോബര്‍ 24നാണ് ഇന്ത്യ- പാക് പോരാട്ടം. ദുബായ് ആണ് വേദി.

India vs Pakistan Live Stream: How to Watch Cricket World Cup 2019 Telecast on Mobile and PC | Technology News

ഇരുരാജ്യങ്ങളും തമ്മില്‍ നിലനില്‍ക്കുന്ന പ്രശ്‌നങ്ങള്‍ കാരണം നിലവില്‍ ഐ.സി.സി ടൂര്‍ണമെന്റുകളില്‍ മാത്രമാണ് ഇന്ത്യ-പാക് പോര് സംഭവിക്കുന്നത്. ലോക കപ്പില്‍ ഇതുവരെ പാകിസ്ഥാന് ഇന്ത്യയെ തോല്‍പ്പിക്കാനിട്ടില്ല. ഏകദിന, ടി20 ലോക കപ്പുകളിലായി 11 തവണ ഏറ്റുമുട്ടിയപ്പോഴും ഇന്ത്യയായിരുന്നു ജയിച്ചത്. ആദ്യ ടി20 ലോക കപ്പിന്റെ ഫൈനലില്‍ പാകിസ്ഥാനെ കീഴടക്കിയാണ് ഇന്ത്യ കിരീടം നേടിയത്.

India vs Pakistan World Cup 2019: Top moments from Manchester clash | Sports News,The Indian Express

2019ലെ ഏകദിന ലോക കപ്പില്‍ അവസാനം ഏറ്റുമുട്ടിയപ്പോഴും ഇന്ത്യക്കായിരുന്നു ജയം. 2017ലെ ചാമ്പ്യന്‍സ് ട്രോഫി ഫൈനലില്‍ ഇന്ത്യയെ തോല്‍പ്പിച്ച് കിരീടം നേടിയതാണ് പാകിസ്ഥാന് എടുത്തുപറയാനുള്ള നേട്ടം. ഒക്ടോബര്‍ 17 മുതല്‍ നവംബര്‍ 14വരെയാണ് ടി20 ലോക കപ്പ്. ഇന്ത്യ ആതിഥേയത്വം വഹിക്കേണ്ട ലോക കപ്പ്, കോവിഡിനെ തുടര്‍ന്നാണ് യു.എ.ഇയിലേക്ക് മാറ്റിയത്.