ഇന്ത്യന് ടീമിന് മുന്നറിയിപ്പ് നല്കി ഓസ്ട്രേലിയന് പേസ് ബോളര് പാറ്റ് കമ്മിന്സ്. ചൊവ്വാഴ്ച മൊഹാലിയില് ആരംഭിക്കുന്ന മൂന്ന് മത്സരങ്ങളുടെ പരമ്പരയില് ഓസ്ട്രേലിയ ഇന്ത്യയ്ക്കെതിരെ താരതമ്യേന പരീക്ഷണാത്മക ടീമിനെ ഇറക്കുന്നത്. എന്നാല് തങ്ങളെ നിസാരമായി തോല്പ്പിക്കാമെന്ന് ഇന്ത്യ കരുതേണ്ടെന്ന് കമ്മിന്സ് പറഞ്ഞു.
ഞങ്ങളെ നിസ്സാരമായി കാണരുത്. ഞങ്ങള് വിജയിക്കാന് ഇവിടെയുണ്ട്. ചില കളിക്കാര് കൂടെയില്ല എന്നത് ഞങ്ങള് മനസ്സിലാക്കുന്നു. പക്ഷേ ആര്ക്കും ഞങ്ങളെ നിസ്സാരമായി മറികടക്കാന് കഴിയില്ലെന്നും കമ്മിന്സ് പറഞ്ഞു.
പരിക്കും വിശ്രമവും കാരണം നാല് ഫസ്റ്റ് ചോയ്സ് കളിക്കാര് ഓസീസ് നിരയിലില്ല. എന്നാലത് തങ്ങളുടെ കരുത്തിനെ ബാധിക്കില്ലെന്നാണ് കമ്മിന്സ് പറഞ്ഞിരിക്കുന്നത്.
Read more
ഇന്ത്യയും ഓസ്ട്രേലിയയും തമ്മിലുള്ള മൂന്നു ടി20കളുടെ പരമ്പരയ്ക്കു ചൊവ്വാഴ്ച തുടക്കമാവും. ചൊവ്വാഴ്ച രാത്രി 7.30 മുതല് മൊഹാലിയിലാണ് ആദ്യ പോരാട്ടം. ലോകകപ്പിന്റെ ആതിഥേയരായ ഓസീസും ഏഷ്യാകപ്പ് തോല്വി കഴിഞ്ഞെത്തുന്ന ഇന്ത്യയും ജയത്തില് കുറഞ്ഞതൊന്നും പരമ്പരയില് ലക്ഷ്യമിടുന്നില്ല.