ഞങ്ങളാണ് പിതാക്കന്മാർ നിങ്ങൾ ഞങ്ങളുടെ മക്കൾ തന്നെ – ക്രിക്കറ്റ് മത്സരങ്ങളിലൊന്നിൽ മുൻ ഓപ്പണർ വീരേന്ദർ സെവാഗ് പാകിസ്ഥാൻ ലെയ്സ് ഇതിഹാസം ഷോയിബ് അക്തറിനോട് പറഞ്ഞ ഒരു ഉദ്ധരണി ഇന്ത്യൻ ആരാധകർക്കിടയിൽ വളരെ ജനപ്രിയമാണ്. മുൻ ക്രിക്കറ്റ് താരം ഈ സംഭവം വെളിപ്പെടുത്തിയത് മുതൽ, ഇന്ത്യ-പാകിസ്ഥാൻ ഏറ്റുമുട്ടലിന്റെ പശ്ചാത്തലത്തിൽ ഈ ലൈൻ പലപ്പോഴും ഉപയോഗിച്ചിരുന്നു.
എന്നിരുന്നാലും, അടുത്തിടെ നടന്ന ഒരു ടിവി ന്യൂസ് ചർച്ചയിൽ അവതാരകൻ ഉദ്ധരണി ആവർത്തിച്ചപ്പോൾ അത് അക്തറിന് ഇഷ്ടപ്പെട്ടില്ല. സെവാഗിന്റെ വാക്കുകളെ കുറിച്ച് ചോദിച്ചപ്പോൾ മുൻ ക്രിക്കറ്റ് താരം രോഷാകുലനായി. ആശ്ചര്യകരമെന്നു പറയട്ടെ, മുൻ ഇന്ത്യൻ ക്രിക്കറ്റ് താരം അങ്ങനെ പറഞ്ഞതായി ഓർമ്മയില്ലെന്ന് അക്തർ നിഷേധിച്ചു.
പരസ്പര ബഹുമാനത്തിന്റെ നിലവാരം നിലനിർത്താനും ക്രിക്കറ്റ് കളിയെക്കുറിച്ച് സംസാരിക്കാനും അക്തർ അവതാരകനോട് ശക്തമായി അഭ്യർത്ഥിച്ചു. “ആദ്യം, അഗർ യേ ചീസ് ഉസ്‌നെ മേരേ മുഹ് പെ ബോലി ഹോട്ടി തോ വോ ബച്താ നഹി. (അദ്ദേഹം ഇത് എന്റെ മുഖത്തുനോക്കി പറഞ്ഞിരുന്നെങ്കിൽ അവൻ എന്റെ കൈയിൽ നിന്ന് രക്ഷപെടുമായിരുന്നില്ല ).
അദ്ദേഹം ഇത് എപ്പോൾ, എവിടെ പറഞ്ഞുവെന്ന് എനിക്കറിയില്ല. ഒരിക്കൽ ബംഗ്ലാദേശിൽ വെച്ച് ഞാൻ അദ്ദേഹത്തോട് ഇത് പറഞ്ഞോ ഇല്ലയോ എന്ന് ചോദിച്ചപ്പോൾ അദ്ദേഹം അത് നിഷേധിച്ചിരുന്നു. രണ്ടാമതായി, നമ്മൾ ഈ അവസരങ്ങൾ(ഇന്ത്യ പാകിസ്ഥാൻ പോരാട്ടങ്ങൾ)) ആഘോഷിക്കുകയും ഇവ ചെയ്യുന്നതിനു പകരം ക്രിക്കറ്റിനെക്കുറിച്ച് സംസാരിക്കുകയും വേണം. ഞാൻ ഇന്ത്യയെ വളരെയധികം ബഹുമാനിക്കുന്നു, നിങ്ങളെയും ഞാൻ ബഹുമാനിക്കുന്നു, ഇരു രാജ്യങ്ങളും തമ്മിൽ അഭിപ്രായവ്യത്യാസങ്ങൾ സൃഷ്ടിക്കുന്ന അത്തരം കാര്യങ്ങൾ ഞാൻ ഒരിക്കലും പറയുന്നില്ല, ”അക്തർ ഇന്ത്യൻ വാർത്താ അവതാരകനോട് പറഞ്ഞു.
ഇത് ആദ്യമായല്ല സെവാഗ് ഇങ്ങനെയൊരു പ്രസ്താവന നടത്തിയെന്ന വാർത്ത അക്തർ നിഷേധിക്കുന്നത്. രണ്ട് വർഷം മുമ്പ് പാകിസ്ഥാനിലെ ARY ന്യൂസിന് നൽകിയ അഭിമുഖത്തിൽ അദ്ദേഹം സമാനമായ രീതിയിൽ പ്രതികരിച്ചു.
“എന്നോട് ഇങ്ങനെയൊക്കെ പറഞ്ഞിട്ട് അവൻ രക്ഷപ്പെടുമോ? ഞാൻ അവനെ വെറുതെ വിടുമോ ? ഞാൻ അവനെ അവിടെയിട്ടും പിന്നീട് ഹോട്ടലിലും തല്ലും. ” അക്തർ പറഞ്ഞു.
Read more
2022-ലെ ഏഷ്യാ കപ്പിലെ ഇന്ത്യ-പാകിസ്ഥാൻ പോരാട്ടത്തെക്കുറിച്ച് പറയുമ്പോൾ, രോഹിത് ശർമ്മ & കോ 5 വിക്കറ്റിന് ചിരവൈരികളെ പരാജയപ്പെടുത്തി. 148 റൺസ് വിജയലക്ഷ്യം പിന്തുടർന്ന പാണ്ഡ്യ 17 പന്തിൽ പുറത്താകാതെ 33 റൺസ് നേടി ഇന്ത്യയെ 2 പന്തുകൾ ബാക്കി നിൽക്കെ ജയത്തിലെത്തി .
