മുൻ ഇന്ത്യൻ കോച്ച് രാഹുൽ ദ്രാവിഡ് ക്യാപ്റ്റൻ രോഹിത് ശർമ്മയെ പ്രശംസിക്കുകയും 37 കാരനായ രോഹിതിനൊപ്പം പ്രവർത്തിക്കാൻ സാധിച്ചത് തൻ്റെ പദവിയാണെന്നും പറയുകയും ചെയ്തിരിക്കുകയാണ്. വൈറ്റ്-ബോൾ ക്രിക്കറ്റിൽ സമീപകാലത്തെട്ടവും സ്ഥിരതയോടെ ഇന്ത്യക്കായി പ്രകടനം നടത്തിയ ആളാണ് രോഹിത്. ഏകദിനത്തിലും ടി20യിലുമായി 14,846 റൺസും മൂന്ന് ഇരട്ട സെഞ്ചുറികളും 33 സെഞ്ചുറികളും 87 അർധസെഞ്ചുറികളും രോഹിത് നേടിയിട്ടുണ്ട്. കൂടാതെ രണ്ട് തവണ ഐസിസി ടി20 ലോകകപ്പും (2007, 2024) ഐസിസി ചാമ്പ്യൻസ് ട്രോഫി (2013 ) ജേതാവുമാണ് രോഹിത്. ടി 20 കൂടുതൽ സിക്സറുകൾ നേടിയ താരമെന്ന റെക്കോർഡും അദ്ദേഹം ഈ അടുത്ത് സ്വന്തമാക്കി.
ഇന്ത്യയുടെ ടി20 നായകൻ എന്ന നിലയിലുള്ള രോഹിതിൻ്റെ പ്രകടനം അവിസ്മരണീയമായിരുന്നു. 62 മത്സരങ്ങളിൽ നിന്ന് 49 വിജയങ്ങളോടെ ഏറ്റവും കൂടുതൽ ടി 20 മത്സരങ്ങൾ ജയിച്ച കണക്കിൽ ധോണിയെ മറികടന്നു. 72 മത്സരങ്ങളിൽ നിന്ന് 41 വിജയങ്ങളാണ് ധോണി നേടിയത്. 11 വർഷത്തെ ഇന്ത്യയുടെ ഐസിസി ട്രോഫി വരൾച്ച അവസാനിപ്പിച്ച് ദക്ഷിണാഫ്രിക്കയ്‌ക്കെതിരെ ബാർബഡോസിൽ നടന്ന ഫൈനലിൽ ആവേശകരമായ വിജയത്തിന് ശേഷം രോഹിത്ഇ ന്ത്യയെ അദ്ദേഹം ഐസിസി ടി20 ലോകകപ്പ് കിരീടത്തിലേക്ക് നയിച്ചു.
സ്റ്റാർ സ്‌പോർട്‌സിനോട് സംസാരിക്കവെ, രോഹിത് ശർമ്മ ഒരു മികച്ച നേതാവാണെന്ന് ദ്രാവിഡ് പറഞ്ഞു.
“രോഹിത്തിനൊപ്പം പ്രവർത്തിക്കാൻ കഴിഞ്ഞത് ഒരു ഭാഗ്യമായി ഞാൻ കരുതുന്നു. ഈ രണ്ടര വർഷത്തിനുള്ളിൽ, അദ്ദേഹം ഒരു മികച്ച നേതാവാണെന്ന് ഞാൻ ഉറപ്പിച്ചു. ആളുകൾ അവനിലേക്ക് ശരിക്കും ആകർഷിച്ചു അത് വലിയ മാറ്റമുണ്ടാക്കുമെന്ന് ഞാൻ കരുതുന്നു.ബുംറയും കോഹ്‌ലിയും അടക്കം ഒരുപാട് സൂപ്പർതാരങ്ങൾ അദ്ദേഹത്തിന്റെ കീഴിൽ കളിച്ചു. എന്നാൽ അവർക്ക് തമ്മിൽ പ്രശ്നങ്ങൾ ഇല്ല, ഈഗോ ഇല്ല, എല്ലാവരെയും ഒരുമിച്ച് കൊണ്ടുപോകാനും രോഹിത്തിനായി ” ദ്രാവിഡ് പറഞ്ഞു.
Read more
വിരാട് കോഹ്‌ലി, ജസ്പ്രീത് ബുംറ തുടങ്ങിയ വമ്പൻ കളിക്കാർ വളരെ എളിമയുള്ളവരാണെന്നും അവർക്ക് ഈഗോ ഉണ്ടെന്നുള്ള ആളുകളുടെ പറച്ചിൽ മണ്ടത്തരം ആണെന്നും ദ്രാവിഡ് പറഞ്ഞു.
