ജസ്പ്രീത് ബുംറയുഡടെ അഭാവത്തില് ഇന്ത്യന് ടി20 ടീമിലേക്ക് മുഹമ്മദ് ഷമിയെ ഇന്ത്യ തിരിച്ചെത്തിക്കണമെന്ന് ഇന്ത്യന് മുന് താരം വസീം ജാഫര്. ഓസീസിലെ പേസും ബൗണ്സും നിറഞ്ഞ പിച്ചില് ഇന്ത്യക്ക് അനുഭവസമ്പത്തുള്ള പേസര്മാരെയാണ് ആവശ്യമെന്നും അത്തരത്തില് ടീമിന് പ്രതീക്ഷ നല്കുന്ന താരം ഷമിയാണെന്നും ജാഫര് പറഞ്ഞു.
ബുംറയുടെ അഭാവത്തില് ഇന്ത്യയുടെ മുന്നില് പ്രതീക്ഷ നല്കി നില്ക്കുന്നത് ഷമിയാണെന്നാണ് കരുതുന്നത്. എന്നാല് ഇന്ത്യക്ക് ഡെത്ത് ഓവറില് മെച്ചപ്പെടേണ്ടതായുണ്ട്. ഇന്ത്യയെ എന്തെങ്കിലും ആശങ്കപ്പെടുത്തുന്നുണ്ടെങ്കില് അത് ഡെത്ത് ഓവര് ബോളിംഗാണ്. അത് ഇന്ത്യയെ പ്രയാസപ്പെടുത്തുന്നു.
ഹര്ഷല് പട്ടേല് തുടര്ച്ചയായി പ്രയാസപ്പെടുന്നു. അര്ഷദീപും റണ്സ് വിട്ടുകൊടുക്കുന്നു. രണ്ട് മൂന്ന് നോബോളുകളാണ് അവന് എറിഞ്ഞത്. എന്നാല് ഇന്ത്യക്ക് മുന്നില് മറ്റ് വഴികളില്ലാത്തതിനാല് അര്ഷദീപില് ഉറച്ച് നില്ക്കേണ്ടതായുണ്ട്.
Read more
ദീപക് ചഹാര് പവര്പ്ലേയില് നന്നായി പന്തെറിയുന്നു. അവസാന മത്സരത്തില് 17ാം ഓവര് എറിഞ്ഞ് ആറ് റണ്സ് വഴങ്ങിയത് അവന്റെ ആത്മവിശ്വാസം ഉയര്ത്തിയിട്ടുണ്ടാവും. തനിക്ക് ഡെത്ത് ഓവര് എറിയാനാവുമെന്നാണ് അവന് കാട്ടിത്തന്നതെന്നും വസിം ജാഫര് പറഞ്ഞു.