ഇംഗ്ലണ്ട് പര്യടനത്തില് മികച്ച പ്രകടനം കാഴ്ചവെച്ച ഇന്ത്യന് ഓള്റൗണ്ടര് ഹാര്ദ്ദിക് പാണ്ഡ്യയെ വാനോളം പ്രശംസിച്ച് പാകിസ്ഥാന് ഇതിഹാസം ശുഐബ് അക്തര്. ഹാര്ദ്ദിക് ഒരു അപൂര്വ്വ പ്രതിഭയാണെന്ന് പറഞ്ഞ അക്തര് താരത്തിന്റെ ക്രിക്കറ്റിലേക്കുള്ള മികച്ച തിരിച്ചുവരവില് സന്തോഷവും പങ്കുവെച്ചു.
‘ഒരു ബൗളര് എന്ന നിലയില് ഹാര്ദിക് പാണ്ഡ്യ ടീമിന് അവിശ്വസനീയമായ ബാലന്സ് കൊണ്ടുവരുന്നത് കണ്ടതില് സന്തോഷമുണ്ട്. തന്റെ ഫിറ്റ്നസിന്റെ കാര്യത്തില് അദ്ദേഹം കൂടുതല് ഗൗരവം കാണിക്കുന്നത് പ്രശംസനീയമാണ്. 1-2 വര്ഷം ടീമില് നിന്ന് പുറത്തായപ്പോള് അവന് നല്ല ഷോക്ക് ലഭിച്ചു. കാരണം അന്ന് അവന് അല്പ്പം അണ്ഫിറ്റ് ആയിരുന്നു.’
‘കളിക്കളത്തിലെ ജീവിതം അവന് നല്ലപോലെ ആസ്വദിക്കുന്നതായി തോന്നുന്നു. അവനൊരു അപൂര്വ പ്രതിഭയായണ്. അവന് ഒരു മികച്ച ഫീല്ഡറാണ്, ഒരു മികച്ച ബോളറാണ്, യഥാര്ത്ഥത്തില്, അവന് പേസ് നിരക്ക് ഒരു മികച്ച കൂട്ടിച്ചേര്ക്കലാണ്.’
Read more
‘അവന് മറ്റ് ബോളര്മാരെ മറികടന്നു, അവന്റെ കളിയില് ശ്രദ്ധ കേന്ദ്രീകരിക്കാന് ഞാന് അവനെ ഉപദേശിക്കും. അവന് ലോകത്തിലെ ഏറ്റവും മികച്ച ഓള്റൗണ്ടര്മാരില് ഒരാളായി മാറുമെന്നതില് എനിക്ക് സംശയമില്ല’ അക്തര് പറഞ്ഞു.