ഇന്ത്യയുടെ സ്പിൻ ഇതിഹാസങ്ങളിൽ ഒരാളായ ഹർഭജൻ സിംഗ് ഇപ്പോൾ അന്താരാഷ്ട്ര ക്രിക്കറ്റിൽ നിന്നും വിരമിച്ചതിന് ശേഷം സ്റ്റാർ സ്പോർട്സ് ചാനലിൽ ക്രിക്കറ്റ് അനലിസ്റ്റായി താരം പ്രവർത്തിച്ച് വരുന്നു. ഇപ്പോഴിതാ 2011 ലോകകപ്പ് ജയവുമായി ബസപ്പെട്ട ഒരു അഭിപ്രായം ഹർഭജൻ പറഞ്ഞിരിക്കുകയാണ്.
“2011 ലോകകപ്പ് വിജയത്തിന്റെ ക്രഡിറ്റ് ധോണിക്ക് മാത്രം നല്കുന്നതിനോട് യോജിപ്പ് ഇല്ല. ഓസ്ട്രേലിയ ലോകകപ്പ് ജയിക്കുമ്പോൾ ഓസ്ട്രേലിയക്ക് കിരീടം എന്ന് പറയുന്നവർ ഇന്ത്യ ജയിക്കുമ്പോൾ ധോണിയുടെ മികവിൽ ഇന്ത്യക്ക് ജയം എന്ന് പറയുന്നത് എന്തിനാണെന്ന് മനസിലാകുന്നില്ല. ധോണി മാത്രമാണോ കളിച്ചത്. ബാക്കി ഉള്ള 10 പേരെ നിങ്ങൾ കണ്ടില്ലേ. ഗംഭീറിനെ കണ്ടില്ലേ, ഒരു ടീമിലെ 7- 8 പേര് വരെ എങ്കിലും ജയത്തിൽ നിർണായക പങ്ക് വഹിക്കുന്നുണ്ട്”
Read more
മുമ്പ് ഗംഭീറും സമാനമായ അഭിപ്രായം പറഞ്ഞിരുന്നു. ഫൈനലിൽ 97 റൺസെടുത്ത തനിക്ക് നല്കാത്ത ക്രഡിറ്റ് ധോണിക്ക് നല്കുന്നതിൽ ഉള്ള അമർഷം പല വേദികളിൽ താരം പ്രകടിപ്പിച്ചിട്ടുണ്ട്. ഹർഭജന്റെ പരാമർശത്തെ അനുകൂലിച്ചും പ്രതികൂലിച്ചും നിരവധി ആളുകൾ പറയുന്നുണ്ട്.
