ലോക ടെസ്റ്റ് ചാമ്പ്യന്ഷിപ്പ് ഫൈനലിന് പിന്നാലെ ശ്രീലങ്കന് പര്യടനം പ്രഖ്യാപിച്ചിരിക്കുകയാണ് ബി.സി.സി.ഐ. സീനിയര് താരങ്ങളില്ലാത്ത ഒരു വ്യത്യസ്ത ടീമിനെ, അതായത് യുവനിരയെ ശ്രീലങ്കയ്ക്ക് അയക്കുമെന്നാണ് ബി.സി.സി.ഐ പ്രസിഡന്റ് സൗരവ് ഗാംഗുലി പറഞ്ഞിരിക്കുന്നത്. ഗാംഗുലിയുടെ ഈ പ്രഖ്യാപനം രാജ്യത്തെ ക്രിക്കറ്റ് പ്രേമികളെ ആവേശം കൊള്ളിച്ചിരിക്കുകയാണ്.
യുവനിരയ്ക്ക് വ്യക്തമായ മുന്തൂക്കമുള്ള ഒരു ടീമിനെയാണ് ശ്രീലങ്കയ്ക്കെതിരെ ഇന്ത്യ അണിനിരത്താന് പോകുന്നത്. കഴിഞ്ഞ കുറച്ച് നാളുകളായി അഭ്യന്തര ക്രിക്കറ്റിലും, ഐ.പി.എല്ലിലും മികച്ച പ്രകടനങ്ങള് കാഴ്ച വെച്ചു കൊണ്ടിരിക്കുന്ന യുവതാരങ്ങളെ ടീമിലുള്പ്പെടുത്തിയാവും ലങ്കയിലേക്ക് ഇന്ത്യ പറക്കുക.
അങ്ങനെ എങ്കില് സഞ്ജു സാംസണിനൊപ്പം ദേവ്ദത്ത് പടിക്കല് ടീമിലുണ്ടാകുമെന്ന് പ്രതീക്ഷിക്കാം. സൂര്യകുമാര് യാദവ്, പൃഥ്വി ഷാ, ഇഷാന് കിഷന്, യുസ്വേന്ദ്ര ചഹാല്, ടി.നടരാജന്, രാഹുല് ചഹാര്, രാഹുല് തേവാത്തിയ, ഹര്ഷല് പട്ടേല്, ചേതന് സാകരിയ, ദീപക് ചഹാര്, രവി ബിഷ്നോയ്, ക്രുണാല് പാണ്ഡ്യ എന്നിവരെയും ടീമില് പ്രതീക്ഷിക്കാം.
Read more
ലോക ടെസ്റ്റ് ചാമ്പ്യന്ഷിപ്പ് ഫൈനലില് ഇല്ലാത്ത ശിഖര് ധവാന്, കെ.എല് രാഹുല്, ശ്രേയസ് അയ്യര്, ഹാര്ദ്ദിക് പാണ്ഡ്യ, ഭുവനേശ്വര് കുമാര് തുടങ്ങിയ സീനിയര് താരങ്ങളും പുറത്തുണ്ട്. എന്തായാലും ശക്തമായ ഒരു യുവനിരയെ ബി.സി.സി.ഐ ശ്രീലങ്കയ്ക്കെതിരെ അണിനിരക്കുമെന്ന് പ്രതീക്ഷിക്കാം.