ഡൽഹിക്ക് ആരുടേയും ഔദാര്യത്തിൽ പ്ലേ ഓഫിൽ കേറേണ്ട കാര്യമില്ല, ബാംഗ്ലൂരിനെ ട്രോളി ഡൽഹി ഉടമ

മെയ് 21ന് (ശനിയാഴ്ച) മുംബൈ ഇന്ത്യൻസിനെതിരെ ഡെൽഹി ക്യാപിറ്റൽസിന് ജയിച്ചേ പറ്റൂ . ഒരു തോൽവി അവരെ ഐപിഎൽ 2022-ൽ നിന്ന് പുറത്താക്കിയേക്കാം. വ്യാഴാഴ്ച നടന്ന മത്സരത്തിൽ ഗുജറാത്ത് ടൈറ്റൻസിനോട് റോയൽ ചലഞ്ചേഴ്‌സ് ബാംഗ്ലൂർ തോറ്റിരുന്നെങ്കിൽ ഡിസിക്ക് എളുപ്പമായിരുന്നേനെ. ഇതോടെയാണ് മുംബൈക്ക് എതിരെ ജയം അതിനിർണയാകം ആയത്.

പ്രധാനപ്പെട്ട ഏറ്റുമുട്ടലിൽ ഡിസിയെ തോൽപ്പിക്കാൻ ടീമിനോട് ആവശ്യപ്പെട്ട് നിരവധി ആർ‌സി‌ബി ആരാധകർ മുംബൈ ഇന്ത്യൻസിനെ പ്രോത്സാഹിപ്പിക്കുന്നത് മറക്കരുത്. ഇന്നലെ രാത്രി വാങ്കഡെ സ്റ്റേഡിയത്തിൽ ബാംഗ്ലൂർ ഗുജറാത്തിനെ തോൽപ്പിച്ചതിന് ശേഷം RCB യുടെ അവതാരകനായ ഡാനിഷ് സെയ്ത് രണ്ട് ട്വീറ്റുകൾ പോസ്റ്റ് ചെയ്തു.

അദ്ദേഹം എഴുതി: “ഞങ്ങൾ 1 കുടുംബമാണ് @reliancegroup ഞങ്ങൾക്ക് വേണ്ടി ജയിക്കുക ! ഡിസിയെ തോൽപ്പിക്കുക.” അദ്ദേഹം മറ്റൊരു ട്വീറ്റിൽ എംഐ ക്യാപ്റ്റൻ രോഹിത് ശർമ്മയെ ടാഗ് ചെയ്യുകയും എഴുതി: “പ്രിയപ്പെട്ട @ImRo45 ബെംഗളൂരു നിങ്ങളെ സ്നേഹിക്കുന്നു! ഞങ്ങൾക്ക് വേണ്ടി ഡിസിയെ തോൽപ്പിക്കുക. മുൻകൂട്ടി നന്ദി.”

ഡെൽഹി ക്യാപിറ്റൽസ് ഉടമ പാർത്ഥ് ജിൻഡാൽ, ആരും സഹായിച്ചിട്ട് കേറേണ്ടെന്നും ടീമിന്റെ വിധി അവരുടെ കൈകളിലാണെന്നും ടീമിന് ആശംസകൾ നേരുന്നുവെന്നും അദ്ദേഹം ട്വീറ്റ് ചെയ്തു.

പാർത്ഥ് എഴുതി: “എന്തായാലും ആരും ഞങ്ങൾക്ക് വേണ്ടി എന്തെങ്കിലും സഹായം ചെയ്യുന്നതിനോട് താത്പര്യമില്ല – സമവാക്യം ലളിതമാണ് – ശനിയാഴ്ച ഞങ്ങൾ വിജയിക്കും, @IPL-ൽ കൂടുതൽ മുന്നോട്ട് പോകാനുള്ള അവസരം ഞങ്ങൾക്ക് ലഭിക്കും – അല്ലെങ്കിൽ ഞങ്ങൾ പുറത്താകും. കുട്ടികളിൽ എനിക്ക് വിശ്വാസമുണ്ട്.”