ന്യൂസിലാന്ഡിനെതിരെ നിര്ണായക ടെസ്റ്റില് ഇന്ത്യന് ടീമില് നിരവധി മാറ്റങ്ങള്ക്ക് സാദ്ധ്യത. പരിക്കേറ്റ ഓപ്പണര് പൃഥ്വി ഷാക്ക് പകരം ശുഭ്മാന് ഗില്ലും അശ്വിന് പകരം രവീന്ദ്ര ജഡേജയും റിഷഭ് പന്തിന് പകരം സാഹയും ടീമിലെത്തിയേക്കുമെന്നാണ് പുറത്ത് വരുന്ന റിപ്പോര്ട്ടുകള്.
പൃഥ്വി ഷായുടെ കാലിലെ നീരാണ് ശുഭ്മാന് ഗില്ലിന് പ്രതീക്ഷ നല്കുന്ന ഘടകങ്ങളില് ഒന്ന്. എന്നാല് പൃഥ്വി ഷാ പരിക്കില് നിന്ന് മുക്തമായാല് ടീമില് തുടരും. അതെസമയം ഇന്ത്യ എക്ക് വേണ്ടി ന്യൂസിലാന്ഡ് എടിമിനെതിരെ ശുഭ്മാന് ഗില് ഇരട്ട ശതകം നേടിയ ഗ്രൗണ്ടിലാണ് രണ്ടാം ടെസ്റ്റ് നടക്കുന്നത് എന്നതിനാല് ഗില്ലിന്റെ സാദ്ധ്യത വര്ദ്ധിപ്പിക്കുന്നു.
സ്പിന്നര് സ്ഥാനത്ത് വെല്ലിങ്ടണില് അശ്വിന് മികവ് കാണിക്കാനായില്ല. ബാറ്റിങ്ങിലും അശ്വിന് പരാജയപ്പെട്ടു. ഇതോടെ രവീന്ദ്ര ജഡേജയെ ടീമില് ഉള്പ്പെടുത്താനുള്ള സാദ്ധ്യതകള് തെളിയുന്നത്. പിച്ചിന്റെ സ്വഭാവം മനസിലാക്കിയാവും ഇവരുടെ കാര്യത്തില് തീരുമാനമെടുക്കുക എന്ന് രവി ശാസ്ത്രി പറഞ്ഞു.
Read more
അതെസമയം പന്തിന് പകരം ഇപ്രാവശ്യം സാഹയെ ഉള്പ്പെടുത്തിയേക്കും. ആദ്യടെസ്റ്റില് പന്ത് ഭേദപ്പെട്ട പ്രകടനം കാഴ്ച്ചവെച്ചെങ്കിലും ഇന്ത്യയ്ക്ക് പ്രതീക്ഷ നല്കുന്ന കൂട്ടുകെട്ട് ഉയര്ത്തുന്നതില് പരാജയപ്പെട്ടിരുന്നു.