ടി20 ലോക കപ്പ് അടുത്തിരിക്കെ ഇന്ത്യയുടെ സാധ്യത ഇലവനെ തിരഞ്ഞെടുത്ത് ഓസീസ് മുന്‍ താരം ബ്രാഡ് ഹോഗ്. സൂപ്പര്‍ താരങ്ങളെ പലരെയും പുറത്താക്കിയാണ് ഹോഗ് ഇലവനെ പ്രഖ്യാപിച്ചിരിക്കുന്നത്. ശിഖര്‍ ധവാന്‍, ശ്രേയസ് അയ്യര്‍, സഞ്ജു സാംസണ്‍ തുടങ്ങിയവര്‍ ഹോഗിന്റെ ടീമിലില്ല. സൂര്യകുമാര്‍ യാദവാണ് ടീമിലെ സര്‍പ്രൈസ് താരം.
രോഹിത് ശര്‍മ്മയും നായകന്‍ വിരാട് കോഹ്‌ലിയുമാണ് ടീമിലെ ഓപ്പണര്‍മാര്‍. സൂര്യകുമാര്‍ യാദവാണ് മൂന്നാം നമ്പറില്‍. നാലാമനായി കെ.എല്‍ രാഹുല്‍ എത്തുമ്പോള്‍ അഞ്ചാമനായി റിഷഭ് പന്ത് ഇടംപിടിച്ചു. ടീമിലെ വിക്കറ്റ് കീപ്പറും പന്താണ്.
ഹാര്‍ദിക് പാണ്ഡ്യയും രവീന്ദ്ര ജഡേജയുമാണ് ഹോഗിന്റെ ടീമിലെ ഓള്‍റൗണ്ടര്‍മാര്‍. അത്യവശ്യം ബാറ്റ് ചെയ്യുന്ന പേസര്‍ ശാര്‍ദൂല്‍ താക്കൂറും ടീമിലുണ്ട്. ഭുവനേശ്വര്‍ കുമാറും ജസ്പ്രീത് ബുംറയുമാണ് ഹോഗ് തിരഞ്ഞെടുത്ത ടീമിലെ മറ്റ് പേസര്‍മാര്‍. യുസ്‌വേന്ദ്ര ചാഹലാണ് ടീമിലെ ഏക സ്പിന്നര്‍.
Read more
ഒക്ടോബര്‍ 17 ന് ലോക കപ്പിന് തുടക്കമാകും. നവംബര്‍ 14നാണ് ഫൈനല്‍. 2020ല്‍ ഓസ്‌ട്രേലിയയില്‍ ടി20 ലോക കപ്പ് നടക്കേണ്ടതായിരുന്നെങ്കിലും കോവിഡ് പ്രതിസന്ധിയെ തുടര്‍ന്ന് ഇന്ത്യയിലേക്ക് മാറ്റുകയായിരുന്നു. ഇന്ത്യയിലും കാര്യങ്ങള്‍ വഷളായതോടെ യു.എ.ഇയിയെ വേദിയായി പ്രഖ്യാപിക്കുകയായിരുന്നു.
