ഇന്ത്യന് ക്രിക്കറ്റിലെ എല്ലാ ഫോമാറ്റില് നിന്നും വിരമിത്തല് പ്രഖ്യാപിച്ച് ആഭ്യന്തര ക്രിക്കറ്റിലെ മുതിര്ന്ന താരങ്ങളിലൊരാളായ ബിപുല് ശര്മ്മ. അമേരിക്കയിലേക്ക് ചേക്കേറി കരിയര് കെട്ടിപ്പെടുക്കുന്നതിന്റെ ഭാഗമായാണ് താരത്തിന്റെ വിരമിക്കല്.
അഭ്യന്തര ക്രിക്കറ്റില് പഞ്ചാബ്, ഹിമാചല് പ്രദേശ്, സിക്കിം തുടങ്ങിയ സംസ്ഥാനങ്ങള്ക്ക് വേണ്ടിയാണ് ബിപുല് കളിച്ചത്. 2016ല് സണ്റൈസസ് ഹൈദരാബാദ് ഐപിഎല് കിരീടം ചൂടിയപ്പോള് ടീമിലെ അംഗമായിരുന്നു ബിപുല് ശര്മ്മ. പഞ്ചാബ് കിംഗ്സിനായും താരം ഐപിഎല്ലില് കളിച്ചിട്ടുണ്ട്.
33 ഐപിഎല് മത്സരങ്ങളില് നിന്ന് 17 വിക്കറ്റുകള് ബിപുല് വീഴ്ത്തിയിട്ടുണ്ട്. 2016 ഐപിഎള് ഫൈനലില് എബി ഡിവില്ലേഴ്സിന്റെ വിക്കറ്റ് സ്വന്തമാക്കിയത് ബിപുലായിരുന്നു. അമേരിക്കയിലേക്ക് ചേക്കേറുന്ന താരം ഏത് ടീമിനായാണ് കളിക്കുന്നതെന്ന് വ്യക്തമാക്കിയിട്ടില്ല.
Read more
ബിസിസിഐയുടെ നിയമ പ്രകാരം അഭ്യന്തര ക്രിക്കറ്റിലും ഐപിഎല്ലിലും ഭാഗമായിട്ടുളള ഇന്ത്യന് താരങ്ങള്ക്ക് മറ്റ് ഫോറിന് ലീഗുകളില് കളിക്കാന് അനുവാദമില്ല. ഇക്കാരണങ്ങള് പല ഇന്ത്യന് താരങ്ങളും വിരമിച്ച് അമേരിക്കയിലേക്കും മറ്റും ചേക്കേറുകയാണ്.