വായുവില്‍ മലക്കം മറിഞ്ഞ് മിന്നല്‍ സ്റ്റമ്പിംഗിലൂടെ ഞെട്ടിച്ച് മലയാളി താരം മുഹമ്മദ് അസ്ഹറുദ്ദീന്‍. പ്രസിഡന്റ്സ് ടി20 കപ്പില്‍ ഈഗിള്‍സും കെസിഎ ടസ്‌കേഴ്സും തമ്മിലുള്ള കളിയിലായിരുന്നു അസ്ഹറിന്റെ അവിശ്വസനീയ സ്റ്റമ്പിംഗ്. ഇതിന്റെ വീഡിയോ സോഷ്യല്‍ മീഡിയയില്‍ വൈറലായിരിക്കുകയാണ്.
സ്ട്രൈക്ക് നേരിട്ട കെ.ശ്രീനാഥ് കവേര്‍സിലേക്കു ഷോട്ട് കളിച്ച ശേഷം സിംഗിളിനായി ശ്രമിക്കുകയായിരുന്നു. പാതിയോളം ഓടിയ ശേഷം അപകടം മനസ്സിലാക്കി ശ്രീനാഥ് തിരികെ ക്രീസിലേക്കു ഓടി. ഇതിനിടെയാണ് കവര്‍ ഫീല്‍ഡറായ റബിന്‍ കൃഷ്ണന്‍ ബോള്‍ ത്രോ ചെയ്യുന്നത്. വിക്കറ്റിനു പിന്നിലായിരുന്ന അസ്ഹര്‍ പെട്ടെന്ന് സ്റ്റമ്പിന് മുന്നിലേക്ക് ഡൈവ് ചെയ്തു ബോള്‍ പിടിച്ച് സ്റ്റമ്പിളക്കുകയായിരുന്നു.
RCB”s azharudeen wicket keeping skills😍🔥
He also scored 69(43) at 160 strike rate. #KeralaT20 #RCB #IPL2021 pic.twitter.com/WoVnZdU6gm
— as|am (@asIam_as) March 15, 2021
നിരവധി പ്രശംസകളും കമന്റുകളുമാണ് അസ്ഹറുദ്ദീന്റെ മിന്നും സ്റ്റമ്പിംഗിന് സോഷ്യല്‍ മീഡിയയില്‍ വന്നു കൊണ്ടിരിക്കുന്നത്. ഇതു പോലൊരു സ്റ്റമ്പിംഗ് ധോണി പോലും ചെയ്തിട്ടുണ്ടാവില്ല എന്നാണ് ആരാധകര്‍ പറയുന്നത്. മത്സരത്തില്‍ കീപ്പിംഗില്‍ മാത്രമല്ല ബാറ്റിംഗിലും മികച്ച പ്രകടനമാണ് അസ്ഹറുദ്ദിന് പുറത്തെടുത്തത്. 43 പന്തില്‍ 69 റണ്‍സാണ് താരം അടിച്ചെടുത്തത്.
Read more
ഐ.പി.എല്ലില്‍ ബാംഗ്ലൂര്‍ റോയല്‍ ചലഞ്ചേഴ്‌സിനൊപ്പം കളിക്കാനുള്ള ഒരുക്കത്തിലാണ് അസ്ഹറുദ്ദീന്‍. പുതിയ സീസണ് മുന്നോടിയായി നടന്ന ഐ.പി.എല്‍ ലേലത്തില്‍ അടിസ്ഥാനവിലയായ 20 ലക്ഷം രൂപയ്ക്കാണ് ആര്‍സിബി താരത്തെ സ്വന്തമാക്കിയത്. ഏപ്രില്‍ 9 നാണ് ഐ.പി.എല്ലിന്റെ പുതിയ സീസണ് തുടക്കമാകുന്നത്.
