ജയ്പൂര്‍: ഐപിഎല്ലില്‍ ഇന്ത്യന്‍ ടെസ്റ്റ് വൈസ് ക്യാപ്റ്റന്‍ അജിന്‍ക്യ രഹാന പുതിയ ടീമിലേക്ക് കൂറുമാറി. അടുത്ത സീസണില്‍ ഡല്‍ഹി കാപിറ്റല്‍സിന് വേണ്ടിയാണ് രഹാനെ കളിക്കുക. രാജസ്ഥാനുമായുള്ള നീണ്ട ഒമ്പത് വര്‍ഷത്തെ ബന്ധത്തിനാണ് രഹാന അവസാനമാകുന്നത്.
2011 മുതല്‍ രഹാന രാജസ്ഥാനൊപ്പമാണ്. 2018-ല്‍ ടീമിനെ നയിച്ചതും രഹാനയായിരുന്നു. താരത്തിന്റെ നാലാമത്തെ ഐപിഎല്‍ ടീമാണിത്. നേരത്തെ മുംബൈ ഇന്ത്യന്‍സ്, റൈസിംഗ്പൂനെ സൂപ്പര്‍ജയന്റ്‌സ് എന്നീ ടീമുകള്‍ക്ക് വേണ്ടിയും രഹാന കളിച്ചിട്ടുണ്ട്.
രഹാനയ്ക്ക് പകരം രണ്ട് ഡല്‍ഹി താരങ്ങളെയാണ് രാജസ്ഥാന് വിട്ടുകൊടുത്തത്. ട്രാന്‍സ്ഫര്‍ വിന്‍ഡോ സമയം പൂര്‍ത്തിയാവുന്നതിന് തൊട്ടുമുമ്പാണ് രഹാനയെ രാജസ്ഥാന് കൈമാറിയത്. ശിഖര്‍ ധവാന്‍, പൃഥ്വി ഷാ, ശ്രേയാസ് അയ്യര്‍, റിഷഭ് പന്ത്, ഹനുമ വിഹാരി എന്നിവര്‍ അടങ്ങുന്ന വമ്പന്‍ താരനിരയാണ് ഡല്‍ഹിയുടേത്.
Read more
കഴിഞ്ഞ സീസണിലെ മോശം പ്രകടനത്തെ തുടര്‍ന്ന് രഹാനെയെ ക്യാപ്റ്റന്‍ സ്ഥാനത്ത് നിന്ന് നീക്കിയിരുന്നു. പിന്നീട് സ്റ്റീവ് സ്മിത്താണ് ടീമിനെ നയിച്ചത്. ഐപിഎല്ലില്‍ ഇതുവരെ 3820 റണ്‍സാണ് രഹാനെയുടെ അക്കൗണ്ടിലുള്ളത്.
