ഐപിഎല്‍ 15ാം സീസണില്‍ മൂന്ന് തവണയാണ് വിരാട് കോഹ്‌ലി പൂജ്യത്തിന് പുറത്തായത്. ക്രിക്കറ്റ് പ്രേമികളെ സംബന്ധിച്ച് ഏറെ വേദനപ്പെടുത്തുന്ന കാഴ്ചയായിരുന്നു അത്. വിക്കറ്റ് പോയതിനു പിന്നാലെയുള്ള കോഹ്‌ലിയുടെ ചിരിയും ആരാധകരെ കുത്തിനോവിച്ചു. ഇപ്പോഴിതാ നിലവിലെ തന്റെ മാനസികാവസ്ഥയും ചിരിക്ക് പിന്നിലെ കാരണവും വെളിപ്പെടുത്തിയിരിക്കുകയാണ് കോഹ്‌ലി.
‘രണ്ടാമത്തെ ഡക്കിന് ശേഷം നിസഹായവസ്ഥ എന്നാല്‍ എന്താണെന്ന് എനിക്ക് മനസിലായി. കരിയറില്‍ ഇതിന് മുന്‍പ് എനിക്കങ്ങനെ നേരിട്ടിട്ടില്ല. അതുകൊണ്ടാണ് ഞാന്‍ ചിരിച്ചത്. ഈ കളിക്ക് എന്തെല്ലാം കാണിച്ച് തരാന്‍ കഴിയുമോ അതെല്ലാം ഞാന്‍ കണ്ടിട്ടുണ്ട്.’
‘എന്റെ പ്രകടനത്തെ ചോദ്യം ചെയ്യുന്ന കമന്റേറ്റേഴ്സിനും ആളുകള്‍ക്കും എന്നെ മനസിലാക്കാന്‍ കഴിയില്ല. എനിക്കെന്താണോ അനുഭവപ്പെടുന്നത് അത് അവര്‍ക്ക് മനസിലാക്കാനാവില്ല.’
Read more
‘എന്റെ ജീവിതം അവര്‍ക്ക് ജീവിക്കാനാവില്ല. ആ നിമിഷങ്ങള്‍ അനുഭവിക്കാന്‍ അവര്‍ക്ക് കഴിയില്ല. ഒന്നുകില്‍ ടിവിയുടെ ശബ്ദം കുറയ്ക്കുക. അല്ലെങ്കില്‍ അവര്‍ പറയുന്നത് ശ്രദ്ധിക്കാതിരിക്കുക. ഞാന്‍ ഇത് രണ്ടും ചെയ്യാറുണ്ട്’ കോഹ്‌ലി പറഞ്ഞു.
