ഐപിഎല്ലില് പുതിയ മുഖം തേടി പഞ്ചാബ് കിംഗ്സ്. നിലവില് ടീമിലുള്ള കളിക്കാരില് ആരെയും നിലനിര്ത്തേണ്ടെന്നാണ് പഞ്ചാബ് ഫ്രാഞ്ചൈസിയുടെ തീരുമാനം എന്നറിയുന്നു. റിപ്പോര്ട്ടുകള് ശരിയായാല് 90 കോടി രൂപ ഐപിഎല് മെഗാ ലേലത്തില് പഞ്ചാബ് കിംഗ്സിന് ചെലവിടാന് സാധിക്കും.
മെഗാ ലേലത്തിന് മുന്പ് ടീമില് നിലനിര്ത്തുന്ന നാല് താരങ്ങളുടെ പട്ടിക സമര്പ്പിക്കേണ്ട അവസാന തിയതി നവംബര് 30 ആണ്. എല്ലാ കളിക്കാരെയും റിലീസ് ചെയ്യാന് പഞ്ചാബ് കിംഗ്സ് ആലോചിക്കുന്നതായാണ് വിവരം.
Read more
ഐപിഎല്ലിന്റെ ആദ്യ സീസണ് മുതല് വന് താരനിരയെ അണിനിരത്തിയ പഞ്ചാബിന് ഇതുവരെ കിരീടം നേടാന് സാധിച്ചിട്ടില്ല. കിംഗ്സ് ഇലവന് പഞ്ചാബ് എന്ന് അറിയപ്പെട്ടിരുന്ന കാലത്ത് ഒരു തവണ റണ്ണറപ്പ് ആയതാണ് ഏറ്റവും മികച്ച പ്രകടനം. കഴിഞ്ഞ ഐപിഎല് പോയിന്റ് ടേബിളില് ആറാം സ്ഥാനത്തേക്ക് പഞ്ചാബ് കിംഗ്സ് പിന്തള്ളപ്പെട്ടിരുന്നു.