വിന്‍ഡീസ്-ബംഗ്ലാദേശ് പര്യടനത്തില്‍ നിന്ന് പ്രധാന ഓസ്‌ട്രേലിയന്‍ താരങ്ങള്‍ പിന്മാറിയേക്കുമെന്ന് സൂചന. ബയോ ബബിള്‍ ജീവിതത്തിലെ മടുപ്പ് കാരണമാണ് ഓസ്‌ട്രേലിയന്‍ ടീമിലെ പ്രമുഖ താരങ്ങള്‍ പര്യടനത്തില്‍ നിന്ന് പിന്മാറുന്നത്.
ഐ.പി.എല്‍ കളിച്ച ഓസ്‌ട്രേലിയന്‍ താരങ്ങളാണ് പിന്മാറുവാനൊരുങ്ങുന്നത്. സ്റ്റീവ് സ്മിത്ത്, ഗ്ലെന്‍ മാക്‌സ്‌വെല്‍, ഡേവിഡ് വാര്‍ണര്‍, മാര്‍ക്കസ് സ്റ്റോയിനിസ്, പാറ്റ് കമ്മിന്‍സ്, ജൈ റിച്ചാര്‍ഡ്‌സണ്‍, കെയിന്‍ റിച്ചാര്‍ഡ്‌സണ്‍, റൈലി മെറിഡിത്ത് എന്നിവരാണ് ഇടവേളയ്ക്ക് ഒരുങ്ങുന്നത്.
ഐ.പി.എല്‍ നിര്‍ത്തിയതിന് പിന്നാലെ ഏറെ പ്രയാസപ്പെട്ടാണ് ഓസീസ് താരങ്ങള്‍ നാട്ടില്‍ തിരിച്ചെത്തിയത്. ഇന്ത്യയിലും തുടര്‍ന്ന് മാലിദ്വീപിലും ക്വാറന്റീനില്‍ കഴിഞ്ഞാണ് താരങ്ങള്‍ സ്വന്തം നാട്ടിലെത്തിയത്.
Read more
അവിടെയും താരങ്ങള്‍ 14 ദിവസം ക്വാറന്റീനില്‍ കഴിഞ്ഞു. അതിന് ശേഷമാണ് താരങ്ങള്‍ വീട്ടിലെത്തിയത്. ഉടനിനി മറ്റൊരു ടൂറിന് താരങ്ങള്‍ തയ്യാറല്ലെന്നാണ് വിവരം.
