സഞ്ജു വി. സാംസണ്‍ രാജസ്ഥാന്‍ റോയല്‍സിന്റെ സ്വത്താണെന്നും ടീമില്‍ നിലനിര്‍ത്താന്‍ അധികം ചിന്തിക്കേണ്ടി വന്നില്ലെന്നും ശ്രീലങ്കന്‍ ഇതിഹാസം കുമാര്‍ സംഗക്കാര. റോയല്‍സിന്റെ ദീര്‍ഘകാലത്തെ നായകനാണ് സഞ്ജുവെന്നും ഫ്രാഞ്ചൈസിയുടെ ക്രിക്കറ്റ് ഡയറക്ടറായ സംഗക്കാര പറഞ്ഞു.
ഡാറ്റ അനലിറ്റിക് ടീമുമായും ഇന്ത്യയിലെയും അമേരിക്കയിലെയും പങ്കാളികളുമായും വളരെയധികം കൂടിയാലോചന നടത്തിയ ശേഷമാണ് നിലനിര്‍ത്തേണ്ട താരങ്ങളെ റോയല്‍സ് നിശ്ചയിച്ചത്. തീര്‍ച്ചയായും സഞ്ജുവിനെ സംബന്ധിച്ച തീരുമാനം എളുപ്പമായിരുന്നു. ക്യാപ്റ്റനായതിനാല്‍ തന്നെ അക്കാര്യത്തില്‍ പ്രയാസമൊന്നുമുണ്ടായില്ല. റോയല്‍സിന്റെ നമ്പര്‍ വണ്‍ കളിക്കാരനാണ് സഞ്ജു- സംഗക്കാര പറഞ്ഞു.
Read more
റോയല്‍സ് നിലനിര്‍ത്തിയ യശ്വസി ജയ്‌സ്വാള്‍ ഉയര്‍ന്നുവരുന്ന താരമാണ്. കഴിഞ്ഞ സീസണ്‍ ജയ്‌സ്വാളിനെ സംബന്ധിച്ച് മികച്ചതായിരുന്നു. പ്രതിഭാധനനാണ് അയാള്‍. കാര്യങ്ങള്‍ വേഗം മനസ്സിലാക്കുന്നയാളും കഠിനാദ്ധ്വാനിയുമാണ് ജയ്‌സ്വാള്‍ എന്നും സംഗക്കാര കൂട്ടിച്ചേര്‍ത്തു.
