ഇന്ത്യയുടെ സ്റ്റാര് സ്പിന്നര് ആര്. അശ്വിനും ഓള് റൗണ്ടര് പദവിക്ക് അര്ഹനാണെന്ന് മുന് ന്യൂസിലന്ഡ് താരം ക്രെയ്ഗ് മക്മില്ലന്. ഇന്ത്യ കണ്ട ഏറ്റവും മികച്ച ഓള് റൗണ്ടര് കപില് ദേവാണെന്നും എന്നാല് അശ്വിന് ഒട്ടും പിന്നിലല്ലെന്നും മക്മില്ലന് പറഞ്ഞു. ടെസ്റ്റില് 400ലേറെ വിക്കറ്റും അഞ്ച് സെഞ്ച്വറികള് അടക്കം 2755 റണ്സും സ്വന്തമായുള്ള താരമാണ് അശ്വിന്.
അശ്വിന് അര്ഹിച്ച അംഗീകാരം ലഭിച്ചിട്ടില്ലെന്നാണ് ഞാന് കരുതുന്നത്. മഹാനായ സ്പിന്നര് മാത്രമല്ല അശ്വിന്. നല്ലൊരു ഓള് റൗണ്ടര് കൂടിയാണ്. ടെസ്റ്റില് ഒന്നിലധികം സെഞ്ച്വറികളുണ്ട് അശ്വിന്. വര്ഷാദ്യം ഇംഗ്ലണ്ടിനെതിരായ ചെന്നൈ ടെസ്റ്റില് ഇന്ത്യ പ്രതിസന്ധിലായ സമയത്താണ് അശ്വിന് സെഞ്ച്വറി അടിച്ചത്. അശ്വിന് സെഞ്ച്വറി നേടികയും മത്സരഗതി മാറ്റിമറിക്കുകയും വിക്കറ്റ് എടുക്കുകയും ചെയ്യുന്നു- മക്മില്ലന് പറഞ്ഞു.
Read more
ഇന്ത്യയുടെ മഹാന്മാരായ ഓള് റൗണ്ടര്മാരെ കുറിച്ച് നമ്മള് എല്ലായ്പ്പോഴും സംസാരിക്കുന്നു. കപിലാണ് അതില് ഏറ്റവും മഹാന്. കണക്കുകള് പരിശോധിക്കുമ്പോള്, കപിലിനു പിന്നില് ഇന്ത്യയുടെ ഏറ്റവും മികച്ച ഓള് റൗണ്ടറായി അശ്വിന് പരിഗണിക്കപ്പെടണമെന്ന് ഉറച്ചുവിശ്വസിക്കുന്നതായും മക്മില്ലന് കൂട്ടിച്ചേര്ത്തു.