കോവിഡ് 19; സൗദിയില്‍ നഴ്സ് അടക്കം മൂന്ന് മലയാളി കൂടി മരിച്ചു

സൗദിയില്‍ നഴ്സ് അടക്കം മൂന്നു മലയാളി കൂടി കോവിഡ് ബാധിച്ച് മരിച്ചു. കൊല്ലം പത്തനാപുരം പട്ടാഴി സ്വദേശി രാമചന്ദ്രന്‍ ആചാരി (63) റിയാദിലും എറണാകുളം കോതമംഗലം കീരന്‍പാറ സ്വദേശിനി തെക്കേകുടി ബിജി ജോസ് (52), കണ്ണൂര്‍ പാപ്പിനിശ്ശേരി സ്വദേശി കണ്ണോത്ത് പ്രേം രാജ് (55) എന്നിവര്‍ ദമാമിലും ആണ് മരിച്ചത്. ഇതോടെ സൗദിയില്‍ മരിച്ച മലയാളികളുടെ എണ്ണം 85 ആയി.

കോതമംഗലം കീരംപാറ സ്വദേശി ബിജി ജോസ് 25 വര്‍ഷമായി അല്‍ ഹസയില്‍ സ്റ്റാഫ് നഴ്സ് ആയിരുന്നു. റിയാദ് സുലൈ വെസ്റ്റ് യൂണിറ്റ് കേളി സാംസ്‌കാരിക വേദി പ്രവര്‍ത്തകനായിരുന്നു രാമചന്ദ്രന്‍ ആചാരി.

പ്രേം രാജ് ദമാം സെന്‍ട്രല്‍ ആശുപത്രിയില്‍ തീവ്ര പരിചരണ വിഭാഗത്തില്‍ ചികിത്സയില്‍ ആയിരുന്നു. ആറ് ഗള്‍ഫ് രാജ്യങ്ങളിലായി 260 മലയാളികളാണ് ഇതുവരെ കോവിഡ് ബാധിച്ച് മരിച്ചത്.