ആറ് മണിക്ക് പോളിങ് കഴിയുമ്പോള് പിണറായി സര്ക്കാര് അസ്തമിക്കും; ജനാധിപത്യത്തില് നല്കാവുന്ന കടുത്ത ശിക്ഷ വോട്ടര്മാര് ഈ സര്ക്കാരിനു നല്കും: എ. കെ. ആന്റണി
ഇത്തവണത്തെ തെരഞ്ഞെടുപ്പില് യുഡിഎഫിന് ചരിത്ര വിജയം ഉണ്ടാകുമെന്ന് കോണ്ഗ്രസ് പ്രവര്ത്തകസമിതി അംഗം എ. കെ. ആന്റണി. ഒരു തരം, രണ്ടു തരം, മൂന്നു തരം യുഡിഎഫ് ഭരണം ഉറപ്പിച്ചുവെന്നും എ. കെ. ആന്റണി പ്രതികരിച്ചു. തിരുവനന്തപുരത്ത് വോട്ട് ചെയ്ത ശേഷം മാധ്യമങ്ങളോട് പ്രതികരിക്കുകയായിരുന്നു അദ്ദേഹം.
കേരളത്തില് ഉടനീളം ഉയര്ന്ന ഭരണവിരുദ്ധ വികാരം ജനരോഷമാകുന്ന കൊടുങ്കാറ്റായി രൂപപ്പെട്ടുവെന്നും ആന്റണി പറഞ്ഞു. 10 വര്ഷത്തെ ജനദ്രോഹ നടപടികള്ക്ക് കണക്കു ചോദിക്കാന് ജനാധിപത്യ കേരളം കാത്തിരിക്കുകയാണ്. ജനാധിപത്യത്തില് നല്കാവുന്ന കടുത്ത ശിക്ഷ വോട്ടര്മാര് ഈ സര്ക്കാരിനു നല്കും. യുഡിഎഫ് ഇത്തവണ കേരളം തൂത്തുവാരുമെന്നും ആന്റണി പറഞ്ഞു.
കഴിഞ്ഞ കാലത്തു യുഡിഎഫിനെ എതിര്ത്ത, എസ്എഫ്ഐയുടെ സ്ഥാപക പ്രസിഡന്റ് ഉള്പ്പെടെ തുടര്ഭരണത്തിന് എതിരായി യുഡിഎഫിനൊപ്പം കൈകോര്ക്കുകയാണ്. ഇടതുപാര്ട്ടികളെ സ്നേഹിക്കുന്നവര് തുടര്ഭരണത്തിന് എതിരാണ്. ഇന്ന് 6 മണിക്ക് പോളിങ് കഴിയുമ്പോള് പിണറായി സര്ക്കാര് അസ്തമിക്കും. പിന്നീട് പിണറായി സര്ക്കാര് കെയര്ടേക്കര് സര്ക്കാരായി മാറുമെന്നും എ. കെ. ആന്റണി കൂട്ടിച്ചേര്ത്തു.
ബോഡി ബിൽഡർമാരുടെ ഇൻസ്പെക്ടർ നിയമനം: ചീഫ് സെക്രട്ടറിക്കെതിരെ ആഞ്ഞടിച്ച് ഹൈക്കോടതി, എഡിജിപി ശ്രീജിത്തും കുരുക്കിലേക്ക്
ബസിൽ പെൺകുട്ടിക്ക് നേരെ ലൈംഗികാതിക്രമം; മുൻ മന്ത്രി ശിവൻകുട്ടിയുടെ ഗൺമാന് സസ്പെൻഷൻ
