വഖഫ് ബോർഡുമായി ബന്ധപ്പെട്ട വിവാദത്തിൽ മുഖ്യമന്ത്രി പിണറായി വിജയന്റെയും മുസ്ലിം ലീഗിന്റെയും നിലപാടുകൾ തെറ്റിദ്ധരിപ്പിക്കുന്നതാണെന്ന് ബിജെപി സംസ്ഥാന വൈസ് പ്രസിഡന്റ് ഷോൺ ജോർജ്. മുഖ്യമന്ത്രി ആയിരിക്കെ പിണറായി വിജയൻ തന്നെ മുസ്ലിം വിഭാഗത്തിൽപ്പെടാത്ത 2 അംഗങ്ങളെ നിയമിക്കാൻ ആയി ഗസറ്റ് വിജ്ഞാപനം ഇറക്കിയിരുന്നു. ഇക്കാര്യം പിന്തുണക്കാം എന്നാണ് ലീഗ് ജനറൽ സെക്രട്ടറി പിഎംഎ സലാം കോടതിയെ അറിയിച്ചത്.
രാജ്യത്ത് നിലവിലുള്ള നിയമം എല്ലാവർക്കും ഒരുപോലെ ബാധകമാണെന്നും, മുസ്ലിം സമൂഹത്തിന്റെ മാത്രം സ്വത്തുക്കൾ കൈകാര്യം ചെയ്യുന്ന സ്ഥാപനമല്ല വഖഫ് ബോർഡ് എന്നും ഷോൺ ജോർജ് പറഞ്ഞു.
മഹല്ല് കമ്മറ്റി പോലെ അല്ല സർക്കാർ ബോഡി ആയ വഖഫ്. മുമ്പത്തെ ഭൂമി നിയമവിരുദ്ധമായാണ് ഉമീദ് പോർട്ടലിൽ ഉൾപ്പെടുത്തിയത്. രാജ്യത്ത് വർഗീയത വളർത്താൻ ലീഗ് ശ്രമിക്കരുതെന്നും ഷോൺ ജോർജ് പറഞ്ഞു.
