തീവ്രവാദ ആക്രമണത്തിന്റെ പശ്ചാത്തലത്തില്‍ ബുര്‍ഖ അടക്കം മുഖം മറയ്ക്കുന്ന എല്ലാ വസ്ത്രങ്ങള്‍ളും നിരോധിച്ച് ശ്രീലങ്കന്‍ സര്‍ക്കാര്‍ രംഗത്ത്. ഇന്ന് മുതല്‍ ഈ ഉത്തരവ് നടപ്പില്‍ വരും.
പൊതുസുരക്ഷ പരിഗണിച്ചാണ് തീരുമാനമെന്ന് സര്‍ക്കാര്‍ അറിയിച്ചിട്ടുണ്ട്. പരമ്പരാഗത ഇസ്ലാമിക വേഷമല്ല ബുര്‍ഖ. അതിനാല്‍ തന്നെ സുരക്ഷ പരിഗണിച്ച് ഇത് നിരോധിക്കണമെന്ന് ആഷു മരസിംഗെ എംപി പാര്‍ലമെന്റില്‍ ആവശ്യപ്പെട്ടിരുന്നു. അതേസമയം ദേശീയ സുരക്ഷയുടെ ഭാഗമായി സുരക്ഷാ ഉദ്യോഗസ്ഥര്‍ക്ക് തടസം സൃഷ്ടിക്കാന്‍ പാടില്ലെന്ന് മുസ്ലിം പണ്ഡിതന്‍മാരുടെ സംഘടനയായ ആള്‍ സിലോണ്‍ ജമാഅത്തുല്‍ ഉലമ പറഞ്ഞു. മുഖം മറയ്ക്കുന്ന വസ്ത്രങ്ങള്‍ ഒഴിവാക്കാന്‍ ഇവര്‍ മുസ്ലിം സ്ത്രീകള്‍ക്ക് നിര്‍ദേശം നല്‍കിയിട്ടുണ്ട്.
Read more
രാജ്യത്ത് നടന്ന ഏറ്റവും വലിയ ഭീകരാക്രമണത്തിനാണ് ഈസ്റ്റര്‍ ദിനത്തിലുണ്ടായത്. ഇതേതുടര്‍ന്നാണ് സുരക്ഷാ കര്‍ശനമാക്കുന്നതിനാണ് സര്‍ക്കാര്‍ നടപടി സ്വീകരിച്ചത്.
