പുതിയ പാര്‍ലമെന്റ് മന്ദിരം രാഷ്ട്രപതി ഉദ്ഘാടനം ചെയ്യണമെന്ന് ആവശ്യപ്പെട്ടുള്ള ഹര്‍ജി സുപ്രീം കോടതി തള്ളി. ഹര്‍ജി പരിഗണനക്ക് എടുത്തപ്പോൾ തന്നെ ഹര്‍ജിയില്‍ ഇടപെടേണ്ട കാര്യമില്ലെന്ന് സുപ്രീം കോടതി വ്യക്തമാക്കിയിരിക്കുന്നു. പിന്നാലെ ഹര്‍ജിക്കാരനോട് വാദിക്കാന്‍ കോടതി ആവശ്യപ്പെടുകയായിരുന്നു. വാദം തുടങ്ങിയ ഘട്ടത്തില്‍ തന്നെ ഭരണഘടനയുടെ അനുഛേദം 79 ന് ഉദ്ഘാടനവുമായി എന്ത് ബന്ധമാണെന്നും കോടതി ചോദിച്ചു. ഇതോടെയാണ് ഹര്‍ജി തള്ളിയത്.
ചടങ്ങുകളിലേക്ക് രാഷ്ട്രപതിയെ ക്ഷണിക്കാത്തത് ഭരണഘടനാ വിരുദ്ധമാണെന്ന് ഹര്‍ജിയില്‍ പറയുന്നുണ്ട്. ലോക്‌സഭാ സ്പീക്കര്‍ ഓം ബിര്‍ളയുടെ ക്ഷണപ്രകാരം കോടികൾ ചിലവാക്കി നിര്‍മിച്ച പുതിയ പാര്‍ലമെന്റ് മന്ദിരം മെയ് 28 ന് പ്രധാനമന്ത്രി മോദി ഉദ്ഘാടനം ചെയ്യും. പ്രസിഡന്റ് ദ്രൗപതി മുര്‍മുവാണ് സർക്കാരിന്റെ തലവനായ പ്രധാനമന്ത്രി മോദിയല്ല പാര്‍ലമെന്റ് മന്ദിരം ഉദ്ഘാടനം ചെയ്യേണ്ടതെന്ന് പ്രതിപക്ഷ പാര്‍ട്ടികൾ വാദിച്ചതോടെ വിഷയം വലിയ വിവാദമായി.
Read more
മെയ് 28 ന് പ്രധാനമന്ത്രി നരേന്ദ്രമോദിയുടെ പാര്‍ലമെന്ർറ് മന്ദിരത്തിന്ർരെ ഉദ്ഘാടനം ബഹിഷ്കികരിക്കുമെന്ന് കോൺഗ്രസ്, ടിഎംസി,എഎപി, എഐഎംഐഎം, ജെഡിയു എന്നിവയുൾപ്പെടെ 20 പ്രതിപക്ഷ പാർട്ടികൾ അറിയിച്ചിരുന്നു.
