ബിജെപി നേതാവ് അമിത്ഷാ പ്രതിയായ സൊഹറാബുദ്ദീന് വ്യാജ ഏറ്റുമുട്ടല് കേസില് വാദം കേട്ട ജഡ്ജിയുടെ ദുരൂഹമരണത്തില് അന്വേഷണം നടത്തണമെന്ന് ആവശ്യപ്പെട്ട് മുബൈ ഹൈക്കോടതി മുന് ജഡ്ജി ചീഫ് ജസ്റ്റിസിന് കത്തെഴുതി. മുന് ജഡ്ജി മര്ലപ്പല്ലെയാണ് മുബൈ ഹൈക്കോടതി ചീഫ് ജസ്റ്റിസ് മജ്ഞുള ചെല്ലൂറിന് കത്തയച്ചിരിക്കുന്നത്. മരണത്തില് അസ്വാഭാവികതയുണ്ടെന്നും ജഡ്ജിയെ അനുകൂല വിധിക്കായി സ്വാധീനിക്കാന് ശ്രമിച്ചെന്നും, അദ്ദേഹത്തിന്റെ കുടുംബം വെളിപ്പെടുത്തിയ സാഹചര്യത്തിലാണ് അന്വേഷണം വേണമെന്ന് ആവശ്യപ്പെട്ടിരിക്കുന്നത്. കൂടാതെ ജഡ്ജിയുട മരണത്തില് ദുരൂഹത നീക്കണമെന്ന് ഡല്ഹി മുന് ജഡ്ജി എ.പി ഷായും പ്രതികരിച്ചിരുന്നു.
സൊഹാറാബുദ്ദീന് വ്യാജ ഏറ്റുമുട്ടല് കേസില് വാദം കേട്ടിരുന്ന സി.ബി.ഐ ജഡ്ജി ഹര്കിഷന് ലോയ 2014 ഡിസംബര് ഒന്നിന് പുലര്ച്ചെ നാഗ്പൂരില് വച്ചാണ് ദുരൂഹ സാഹചര്യത്തില് മരിക്കുന്നത്. മരണത്തിലും പോസ്റ്റ്മാര്ട്ടം നടത്തിയതിലും അസ്വാഭാവികതയുണ്ടെന്ന് ലോയയുടെ കുടുംബം കഴിഞ്ഞ ദിവസം വെളിപ്പെടുത്തിയിരുന്നു.
കേസില് അനുകൂല വിധി നേടുന്നതിനായി 100 കോടി രൂപ ജഡ്ജിക്ക് വാഗ്ദാനം ചെയ്തിരുന്നുവെന്നും കുടുംബം പറയുന്നു. ഈ സാഹചര്യത്തിലാണ് അന്വേഷണം നടത്തണമെന്ന ആവശ്യം ശക്തമാകുന്നത്. ലോയയുടെ മരണം പ്രത്യേക അന്വേഷണ സംഘത്തെ കൊണ്ട് അന്വേഷിപ്പിക്കണം, ദുരൂഹത നീക്കണം, തങ്ങള് അനാഥരാണ് എന്ന തോന്നല് കീഴ്ക്കോടതി ജഡ്ജിമാര്ക്ക് ഉണ്ടാകാന് ഇടവരുത്തരുത് എന്നീ കാര്യങ്ങളും കത്തില് പറയുന്നു.
Read more
ഹര്കിഷന് ലോയയുടെ മരണത്തില് ജുഡീഷല് അന്വേഷണം പ്രതിപക്ഷ പാര്ട്ടികളും വിവിധ സാമൂഹിക സംഘടനകളും ആവശ്യപ്പെട്ടിട്ടുണ്ട്. കൂടാതെ ജഡ്ജിയുടെ കുടുംബത്തിനും വാര്ത്ത റിപ്പോര്ട്ട് ചെയ്ത മാധ്യമ പ്രവര്ത്തകനും സുരക്ഷയൊരുക്കണമെന്ന ആവശ്യവും ശക്തമാണ്.