കേന്ദ്ര ആഭ്യന്തരമന്ത്രി അമിത് ഷായുടെ വസതിയില് പാമ്പ് കയറി. പാമ്പിനെ കണ്ടതോടെ ആഭ്യന്തരമന്ത്രിയുടെ വസതിയില് പരിഭ്രാന്തി പടര്ന്നു. വ്യാഴാഴ്ച രാവിലെ ആഭ്യന്തരമന്ത്രിയുടെ വസതിയില് പരിഭ്രാന്തി പരത്തി പാമ്പ് പുറത്തേക്ക് വന്നതായാണ് റിപ്പോര്ട്ടില് പറയുന്നത്.
വിവരമറിഞ്ഞെത്തിയ വൈല്ഡ് ലൈഫ് എസ്ഒഎസ് സംഘം ഏറെ നേരത്തെ പരിശ്രമത്തിനൊടുവിലാണ് പാമ്പിനെ പിടികൂടിയതെന്ന് എന്ഡിടിവി റിപ്പോര്ട്ട് ചെയ്തു. സംഘം സ്ഥലത്തെത്തിയപ്പോള് സെക്യൂരിറ്റിക്ക് വേണ്ടിയുള്ള മുറിയിലെ മരപ്പലകകള്ക്കിടയിലാണ് പാമ്പ് ഒളിച്ചിരിക്കുന്നതായി കണ്ടെത്തിയത്.
Read more
പിടികൂടിയ പാമ്പിന് അഞ്ചടിയോളം നീളമുണ്ടെന്നും ചെക്കര്ഡ് കീല്ബാക്ക് ഇനത്തില്പ്പെട്ടതാണെന്നുമാണ് വിദഗ്ദ സംഘത്തിന്റെ കണ്ടെത്തല്. ഈ ഇനത്തില്പ്പെട്ട പാമ്പുകള് വിഷമുള്ളവയല്ല. കായലുകള്, നദികള്, കുളങ്ങള്, അഴുക്കുചാലുകള്, കൃഷിഭൂമികള്, കിണറുകള് തുടങ്ങിയ ജലാശയങ്ങളിലാണ് ചെക്കര്ഡ് കീല്ബാക്ക് പ്രധാനമായും കാണപ്പെടുന്നത്.