പൗരത്വ നിയമത്തെ ചോദ്യം ചെയ്തു കൊണ്ട് ഹൈക്കോടതികളില് സമര്പ്പിച്ചിട്ടുള്ള ഹര്ജികള് സുപ്രീം കോടതിയിലേക്ക് മാറ്റണമെന്ന് കേന്ദ്രം. ഇക്കാര്യം ആവശ്യപ്പെട്ട് കേന്ദ്ര സര്ക്കാര് സമര്പ്പിച്ച ഹര്ജി വെള്ളിയാഴ്ച പരിഗണിക്കാമെന്ന് സുപ്രീം കോടതി അറിയിച്ചു.
സോളിസിറ്റര് ജനറല് തുഷാര് മെഹ്തയാണ് വിഷയം ചീഫ് ജസ്റ്റിസ് എസ്.എ.ബോബ്ഡെക്ക് മുന്നില് അവതരിപ്പിച്ചത്. പൗരത്വ നിയമ ഭേദഗതിയില് വിവിധ ഹൈക്കോടതികള് വ്യത്യസ്ത നിലപാടുകള് എടുക്കാന് സാദ്ധ്യതയുണ്ടെന്ന് തുഷാര് മെഹ്ത ചീഫ് ജസ്റ്റിസിനെ അറിയിക്കുകയായിരുന്നു. നിയമത്തെ ചോദ്യം ചെയ്തുകൊണ്ട് സുപ്രീം കോടതിയുടെ മുമ്പാകെ മാത്രം അറുപതോളം ഹര്ജികളുണ്ടെന്നും അദ്ദേഹം ചൂണ്ടിക്കാട്ടി.
Read more
സുപ്രീം കോടതിയിലെ ഹര്ജികള് ജനുവരി മൂന്നാം ആഴ്ചയാണ് പരിഗണിക്കുക. നേരത്തെ ഹര്ജി പരിഗണിച്ചപ്പോള് കേന്ദ്ര സര്ക്കാരിന് വിശദീകരണം ആവശ്യപ്പെട്ട് ചീഫ് ജസ്റ്റിസ് നോട്ടീസ് അയച്ചിരുന്നു.