രാജ്യസഭയിലെ ഉദ്യോഗസ്ഥന് കോവിഡ് 19 സ്ഥിരീകരിച്ച പശ്ചാത്തലത്തിൽ പാർലമെന്റിന്റെ രണ്ടു നിലകൾ സീൽ ചെയ്തു. രാജ്യസഭയിലെ സെക്രട്ടേറിയറ്റ് ഉദ്യോഗസ്ഥന് രോഗം സ്ഥിരീകരിച്ചതോടെയാണ് രണ്ടു നിലകളും പൂർണമായും സീൽ ചെയ്തത്.
പ്രധാന പാർലമെന്റ് മന്ദിരത്തിൽ നിന്നു 100 മീറ്റർ അകലെ സ്ഥിതി ചെയ്യുന്ന അനക്സ് കെട്ടിടത്തിലെ രണ്ടു നിലകളാണ് സീൽ ചെയ്തത്. ഇവിടെ പൂർണമായും അണുവിമുക്തമാക്കും. ഉദ്യോഗസ്ഥനുമായി ബന്ധപ്പെട്ട എല്ലാവരോടും നിരീക്ഷണത്തിലിരിക്കാന്‍ ആവശ്യപ്പെട്ടിട്ടുണ്ട്.
ഉദ്യോഗസ്ഥന്റെ ഭാര്യയ്ക്കും കുട്ടികൾക്കും കോവിഡ് സ്ഥിരീകരിച്ചിട്ടുണ്ട്. കഴിഞ്ഞ ആഴ്ച, പാർലമെന്റിലെ എഡിറ്റോറിയൽ ആൻഡ് ട്രാൻസലേഷൻ വിഭാഗത്തിൽ ചെയ്യുന്ന ഒരു ഉദ്യോഗസ്ഥനും കോവിഡ് ബാധിച്ചിരുന്നു. ഇതുവരെ പാർലമെന്റിലെ നാല് ജീവനക്കാർക്കാണ് കോവിഡ് സ്ഥിരീകരിച്ചത്.
Read more
വെള്ളിയാഴ്ച രോഗം സ്ഥിരീകരിച്ച ഉദ്യോഗസ്ഥൻ ഇന്നലെ വരെ ജോലിക്ക് എത്തിയിരുന്നതായാണ് വിവരം.
