ജമ്മു കശ്മീരിനുള്ള പ്രത്യേക പദവി പിന്വലിക്കുകയും സംസ്ഥാനത്തെ വിഭജിക്കുകയും ചെയ്ത ഇന്ത്യന് നടപടിക്കെതിരെ കടുത്ത നിലപാടുമായി പാകിസ്ഥാന്.
ഇന്ത്യയുമായുള്ള നയതന്ത്രബന്ധം വെട്ടിച്ചുരുക്കാനും വ്യാപാരബന്ധം അവസാനിപ്പിക്കാനും പാകിസ്ഥാന് പ്രധാനമന്ത്രി ഇമ്രാന്ഖാന്റെ അദ്ധ്യക്ഷതയില് ഇസ്ലാമാബാദില് ചേര്ന്ന ദേശീയ സുരക്ഷാസമിതി യോഗം തീരുമാനിച്ചു. അതിര്ത്തിയില് ജാഗ്രത തുടരാന് കരസേനയോട് പാകിസ്ഥാന് പ്രധാനമന്ത്രി ഇമ്രാന്ഖാന് നിര്ദേശിച്ചു.
ഇന്ത്യയിലെ പാകിസ്ഥാന് സ്ഥാനപതിയെ തിരികെ വിളിക്കുമെന്നും ഇസ്മാബാദിലുള്ള ഇന്ത്യന് അംബാസിഡറെ ഡല്ഹിയിലേക്ക് തിരിച്ചയക്കുമെന്നും പാകിസ്ഥാന് വിദേശകാര്യമന്ത്രി ഷാ മെഹമ്മൂദ് ഖുറേഷി വാര്ത്താ ഏജന്സിയോട് പറഞ്ഞു.
Read more
കശ്മീരിനെ വിഭജിച്ച ഇന്ത്യന് നടപടി ഐക്യരാഷ്ട്രസഭയിലും സുരക്ഷാസമിതിയിലും ഉന്നയിക്കാനും ആഗസ്റ്റ് 14 ലെ പാകിസ്ഥാന്റെ സ്വാതന്ത്രദിനം കശ്മീരികളോടുള്ള ഐക്യദാര്ഢ്യദിനമായി ആചരിക്കാനും യോഗം തീരുമാനിച്ചു.