ഗുജറാത്തിലെ ഭരണം നിലനിര്‍ത്തലിലും ഹിമാചല്‍ പ്രദേശിലെ ഭരണം തിരിച്ചുപിടിയ്ക്കലിലും സന്തോഷം പങ്കുവെച്ച് പ്രധാനമന്ത്രി നരേന്ദ്ര മോഡി. പാര്‍ലമെന്റ് സമ്മേളനത്തില്‍ പങ്കെടുക്കാനായി പുറത്തേയ്ക്ക് ഇറങ്ങിയപ്പോഴായിരുന്നു നിറചിരിയോടെ മാധ്യമങ്ങളെ നോക്കി വിജയചിഹ്നം മോഡി ഉയര്‍ത്തിക്കാട്ടിയത്. മുന്‍കാലങ്ങളിലെ പോലെ തന്നെ മാധ്യമങ്ങളോട് പ്രതികരിക്കാനോ വിജയത്തില്‍ സന്തോഷം പങ്കിടാനോ മോഡി കൂട്ടാക്കിയില്ല.
Delhi: Prime Minister Narendra Modi arrives in the Parliament, flashes victory sign. #ElectionResults pic.twitter.com/X508VBydeW
— ANI (@ANI) December 18, 2017
ഗുജറാത്തും ഹിമാചലും വിജയിക്കുമെന്ന ആത്മവിശ്വാസം ബിജെപിയുടെ നേതാക്കള്‍ പലപ്പോഴായി പങ്കുവെച്ചിരുന്നെങ്കിലും തിരഞ്ഞെടുപ്പ് റാലികളില്‍ പ്രസംഗിക്കുകയല്ലാതെ മോഡി ഇക്കാര്യത്തില്‍ വീരവാദങ്ങളൊന്നും മുഴക്കിയിരുന്നില്ല. നില പരുങ്ങലിലാണെന്ന ബോധ്യത്തിന്റെ അടിസ്ഥാനത്തിലായിരുന്നു ഇത്.
Read more
ഗുജറാത്ത്, ഹിമാചല്‍ സംസ്ഥാനങ്ങല്‍ലെ വിധി ഔദ്യോഗികമായി വരുന്നതിന് മുന്‍പ് തന്നെ ബി.ജെ.പി പാര്‍ട്ടി ആസ്ഥാനത്ത് ആഘോഷം തുടങ്ങിയിരുന്നു. മധ്യപ്രദേശിലും ഗുജറാത്തിലും ഹിമാചലിലും ബി.ജെ.പി ഓഫീസിന് മുന്നില്‍ പടക്കംപൊട്ടിച്ചും ലഡുവിതരണം ചെയ്തുമാണ് പ്രവര്‍ത്തകര്‍ ആഘോഷിക്കുന്നത്.
