ഡൽഹി വിമാനത്താവളത്തിൽ സ്വർണ്ണക്കടത്ത്; ഇൻഡിഗോ, സ്‌പൈസ് ജെറ്റ് ജീവനക്കാർ അറസ്റ്റിൽ

72.46 ലക്ഷം രൂപ വിലമതിക്കുന്ന സ്വർണം കടത്തിയ കേസിൽ ഇൻഡിഗോ, സ്‌പൈസ് ജെറ്റ് എയർലൈനുകളിലെ നാല് സ്റ്റാഫ് അംഗങ്ങൾ ഉൾപ്പെടെ ഏഴ് പേരെ കസ്റ്റംസ് അധികൃതർ ഡൽഹിയിൽ അറസ്റ്റ് ചെയ്തു.

“21.07.2021 ന് 24 മണിക്കൂർ നീണ്ട ഓപ്പറേഷനിൽ ഡൽഹി എയർപോർട്ട് കസ്റ്റംസ് 7 പേരെ അറസ്റ്റ് ചെയ്തു (2 യാത്രക്കാരെ കള്ളക്കടത്ത് ചരക്കുമായി തത്സമയം പിടികൂടി. മറ്റൊരു യാത്രക്കാരനും ഇൻഡിഗോ, സ്പൈസ് ജെറ്റ് എന്നിവിടങ്ങളിൽ നിന്നുള്ള 4 എയർലൈൻ ജീവനക്കാരെയും പിന്നീടും പിടികൂടി). ഇവരിൽ നിന്നും പിടികൂടിയ കള്ളക്കടത്ത് സ്വർണ്ണത്തിന്റെ മൂല്യം 72,46,353 രൂപയാണ്,” കസ്റ്റംസ് ട്വീറ്റ് ചെയ്തു.