ഇന്ത്യയിൽ കോവിഡ് ബാധിതർ 18 ലക്ഷം കവിഞ്ഞു; 24 മണിക്കൂറിനിടെ 52,972 പേർക്ക് രോ​ഗം, 771 മരണം

രാജ്യത്ത് ആശങ്ക ഉയർത്തി കോവിഡ്  അതിവേ​ഗം വ്യാപിക്കുന്നു. തുടർച്ചയായി ആറാം ദിവസവും കോവിഡ് പോസിറ്റീവ് കേസുകൾ അര ലക്ഷം കവിഞ്ഞതോടെ രാജ്യത്ത് രോ​ഗബാധിതരുടെ എണ്ണം 18 ലക്ഷം കവിഞ്ഞു.

കഴിഞ്ഞ 24 മണിക്കൂറിനിടെ 52,972 പേർക്കാണ് രാജ്യത്ത് രോഗം സ്ഥിരീകരിച്ചത്. ഇതോടെ രാജ്യത്തെ കോവിഡ് ബാധിതരുടെ ആകെ എണ്ണം 18,03,696 ആയി.

രോ​ഗബാധിതരുടെ എണ്ണം ഉയരുന്നതോടെ രാജ്യത്തെ മരണസംഖ്യയും ഉയരുകയാണ്. കഴിഞ്ഞ 24 മണിക്കൂറിനിടെ 771 പേരാണ് കോവിഡ് ബാധിച്ച് മരിച്ചത്. ഇതോടെ രോഗബാധയേ തുടർന്നുള്ള മരണം 38,135 ആയി ഉയർന്നു.

രാജ്യത്തെ കോവിഡ് പരിശോധനകൾ രണ്ട് കോടി പിന്നിട്ടു. ഓഗസ്റ്റ് രണ്ട് വരെയുള്ള കണക്കുകൾ പ്രകാരം രാജ്യത്ത് ഇതുവരെ 2,02,02,858 കോവിഡ് ടെസ്റ്റുകളാണ് നടത്തിയിട്ടുള്ളത്.