ഇന്ത്യയിൽ കോവിഡ് രോ​ഗബാധിതർ 75 ലക്ഷത്തിലേക്ക്, മരണം 1,14,031 ആയി; 24 മണിക്കൂറിനിടെ 61,871 പേർക്ക് രോ​ഗം

ഇന്ത്യയിൽ കോവിഡ് രോ​ഗബാധിതരുടെ എണ്ണം 75 ലക്ഷത്തിലേക്ക്. കഴിഞ്ഞ 24 മണിക്കൂറിനിടെ രാജ്യത്ത് 61,871 പേർക്കാണ് കോവിഡ് രോ​ഗബാധ സ്ഥിരീകരിച്ചത്.

ഇതോടെ രാജ്യത്തെ കോവിഡ് രോ​ഗികളഉടെ എണ്ണം 74,94,551 ആയി ഉയർന്നു. കഴിഞ്ഞ ഒരാഴ്ചയ്ക്ക് ശേഷം ഇന്ത്യയിൽ കോവിഡ് മരണങ്ങൾ വീണ്ടും ആയിരം കവിഞ്ഞു.

ഇന്നലെ മാത്രം രാജ്യത്ത് 1033 പേരാണ് കോവിഡ് രോ​ഗബാധമൂലം മരണപ്പെട്ടത്. ഇതോടെ രാജ്യത്ത് മരിച്ചവരുടെ എണ്ണം 1,14,031ആയി. മഹാരാഷ്ട്ര, തമിഴ്നാട്, കർണാടക, കേരള എന്നിവിടങ്ങളിൽ രോ​ഗബാധിരുടെ എണ്ണത്തിൽ വൻ വർദ്ധനയാണ്.

മഹാരാഷ്ട്രയിൽ 10,259 പേർക്കും കേരളത്തിൽ 9,016 പേർക്കും കർണാടകയിൽ 7,184 പേർക്കും തമിഴ്നാട്ടിൽ 4,295 പേർക്കുമാണ് ഇന്നലെ കോവിഡ് പോസിറ്റീവായത്.