പുതിയ രാഷ്ട്രീയ സാഹചര്യത്തിൽ മക്കൾ നീതി മയ്യം പാർട്ടി അധ്യക്ഷനും നടനുമായ കമൽഹാസനെ കോൺഗ്രസ് യു.പി.എയിലേക്ക് ക്ഷണിച്ചു. തമിഴ്നാട് കോൺഗ്രസ് അധ്യക്ഷൻ കെ.എസ് അളഗിരിയാണ് കമൽസാഹനെ ക്ഷണിച്ചത്.
ഒരേ മനസുള്ളവർ ജനങ്ങൾക്കായി ഒരുമിച്ച് നിൽക്കണമെന്ന് യുപിഎയിലേക്ക് ക്ഷണിച്ച് കൊണ്ട് അളഗിരി പറഞ്ഞു. തിരഞ്ഞെടുപ്പിൽ ഒറ്റയ്ക്ക് നിന്ന് മത്സരിച്ച് വിജയിക്കാൻ കമൽഹാസന് കഴിയില്ലെന്നും അദ്ദേഹം കൂട്ടിചേർത്തു.
തെന്നിന്ത്യൻ നടിയും കോൺഗ്രസ് വക്താവുമായ ഖുശ്ബു സുന്ദർ ബി.ജെ.പിയിൽ ചേർന്നതിന് പിന്നാലെയാണ് അഴഗിരി കമൽഹാസനെ സഖ്യത്തിലേക്ക് ക്ഷണിച്ചത്.
Read more
നേരത്തെ ഒറ്റയ്ക്ക് മത്സരിക്കുമെന്ന താരം വ്യക്തമാക്കിയിരുന്നു. എന്നാൽ ബി.ജെ.പിക്കെതിരായ കമൽഹാസന്റെ നിലപാടുകൾ തങ്ങൾക്ക് അനുകൂമായി മാറ്റാനുള്ള ശ്രമത്തിലാണ് കോൺഗ്രസ്.
