അയോദ്ധ്യ രാമക്ഷേത്ര നിർമ്മാണത്തിന് മുതിർന്ന കോൺഗ്രസ് നേതാവും എംപിയുമായ ദിഗ് വിജയ് സിംഗ് 1.11 ലക്ഷം രൂപ സംഭാവന നൽകി.
ക്ഷേത്ര നിർമ്മാണവുമായി ബന്ധപ്പെട്ടുള്ള ട്രസ്‌റ്റിനാണ് അദ്ദേഹം പണം കൈമാറിയത്.
ക്ഷേത്ര നിർമ്മാണത്തിനായി രാജ്യവ്യാപകമായി നടത്തുന്ന ധനസമാഹരണത്തിന്റെ ഭാഗമായാണ് കോൺഗ്രസ് നേതാവ് സംഭാവന നൽകിയത്.
രാമക്ഷേത്ര നിർമ്മാണത്തിന് വിശ്വഹിന്ദു പരിഷത്ത് ശേഖരിച്ച ഫണ്ടുകളുടെ കൃത്യമായ വിവരം പരസ്യമാക്കണമെന്ന ആവശ്യവും ദിഗ് വിജയ് സിംഗ് ഉന്നയിച്ചു. ഇക്കാര്യം ആവശ്യപ്പെട്ട് അദ്ദേഹം പ്രധാനമന്ത്രി നരേന്ദ്രമോദിക്ക് കത്ത് നൽകി.
ക്ഷേത്ര നിർമ്മാണത്തിനുള്ള സംഭാവന സ്വീകരിക്കൽ സൗഹാർദ്ദ അന്തരീക്ഷത്തിലാകണമെന്ന് ദിഗ് വിജയ് സിംഗ് പ്രധാനമന്ത്രിക്ക് അയച്ച കത്തിൽ ആവശ്യപ്പെട്ടു.
Read more
ക്ഷേത്ര നിർമ്മാണത്തിന് സംഭാവന സ്വീകരിക്കുന്നതുമായി ബന്ധപ്പെട്ട് മധ്യപ്രദേശിൽ മൂന്ന് വർഗീയ പ്രശ്‌നങ്ങളുണ്ടായി. മറ്റ് സംസ്ഥാനങ്ങളിലും സമാന സംഭവങ്ങളുണ്ടാകുന്നതായി അദ്ദേഹം ചൂണ്ടിക്കാട്ടി.
