ചന്ദ്രയാന് 2-ന്റെ ഭാഗമായുള്ള വിക്രം ലാന്ഡറുമായുള്ള ആശയവിനിമയം പുനഃസ്ഥാപിക്കാന് കഴിഞ്ഞില്ലെന്ന് ഐ.എസ്.ആര്.ഒ. മേധാവി കെ. ശിവന് സ്ഥിരീകരിച്ചു. ലാന്ഡറുമായുള്ള ബന്ധം പുനഃസ്ഥാപിക്കാന് കഴിഞ്ഞില്ലെന്നും എന്നാല് ഓര്ബിറ്ററിന്റെ ദൗത്യം കൃത്യമായി നടക്കുന്നുണ്ടെന്നും അദ്ദേഹം ഭുവനേശ്വറില് പറഞ്ഞു.
ഓര്ബിറ്ററില് ഘടിപ്പിച്ച എട്ട് ഉപകരണങ്ങളും നേരത്തെ നിശ്ചയിച്ചതുപ്രകാരം കൃത്യമായി പ്രവര്ത്തിക്കുന്നുണ്ട്. ഇനിയുള്ള മുന്ഗണന ഗഗന്യാന് ദൗത്യത്തിനാണെന്നും അദ്ദേഹം പറഞ്ഞതായി വാര്ത്താ ഏജന്സിയായ എ.എന്.ഐ. റിപ്പോര്ട്ട് ചെയ്തു.
Read more
സെപ്റ്റംബര് ഏഴിന് ഇന്ത്യന് സമയം പുലര്ച്ചെ രണ്ടുമണിയോടെയാണ് ചന്ദ്രയാന് 2-ന്റെ ഭാഗമായുള്ള വിക്രം ലാന്ഡറുമായി ആശയവിനിമയം നഷ്ടമായത്. റഫ് ലാന്ഡിങ് വിജയകരമായി പൂര്ത്തിയാക്കിയശേഷം ചന്ദ്രനിലിറങ്ങാന് തയ്യാറെടുക്കുന്നതിനിടെയാണ് ലാന്ഡറുമായുള്ള ബന്ധം നഷ്ടപ്പെട്ടത്.