പ്രകോപന മുദ്രാവാക്യം വിളിച്ച് ഡല്ഹി ലക്ഷ്മി നഗര് എം.എല്.എ അഭയ് വര്മ്മ.150 തോളം അനുയായികളുമായി ലക്ഷ്മിനഗറില് കഴിഞ്ഞ ദിവസം രാത്രി നടത്തിയ മാര്ച്ചിനിടെയാണ് ഗോലി മാരോ”( വെടി വെയ്ക്കൂ” ) എന്ന പ്രകോപന മുദ്രാവാക്യം എം.എല്.എ വിളിച്ചത്. ആം ആദ്മി പാര്ട്ടി രാജ്യസഭ എംപി സഞ്ജയ് സിംഗാണ് ഇതിന്റെ വീഡിയോദൃശ്യങ്ങള് സോഷ്യല് മീഡിയയില് പങ്കുവെച്ചത്.
എന്നാല് അഭയ് വര്മ്മ ഇക്കാര്യം നിഷേധിച്ചു. മുദ്രാവാക്യം വിളിച്ചില്ലെന്നും പ്രശ്നങ്ങള് ഒഴിവാക്കാനുമാണ് ശ്രമിച്ചതെന്നും അദ്ദേഹം പ്രതികരിച്ചു. “പ്രദേശത്ത് ജനങ്ങള് ഭീതിയിലാണ്. ജനങ്ങള് കടകള് തുറക്കുന്നില്ല. ജനങ്ങളുടെ ഭീതി അകറ്റുന്നതിന് അനുയായികള്ക്കൊപ്പം അവിടെ സന്ദര്ശിക്കുക മാത്രമാണ് ചെയ്തതെന്നുമാണ് എംഎല്എ പറഞ്ഞത്. അതേ സമയം അക്രമം ആസൂത്രിതമെന്ന് കരുതുന്നില്ലെന്നാണ് കേന്ദ്ര ആഭ്യന്തരവകുപ്പ് മന്ത്രി അമിത് ഷായുടെ വിലയിരുത്തല്. നേരത്തെ അക്രമം ആസൂത്രിതമെന്ന് ആഭ്യന്തരസഹമന്ത്രി കിഷന് റെഡ്ഢി പറഞ്ഞിരുന്നു.
അതേസമയം സംഘര്ഷം, വര്ഗീയകലാപമായി മാറിയ ഡല്ഹിയില് മരണസംഖ്യ 18 ആയി ഉയര്ന്നു. 56 പൊലീസുകാര് ഉള്പ്പെടെ ഇരുന്നൂറ്റിയമ്പതിലേറെ പേര്ക്ക് പരിക്കേറ്റിട്ടുണ്ട്. 35 പേരുടെ നില ഗുരുതരമാണ്. ഇന്നലെ രാത്രിയും പലയിടത്തും അക്രമം തുടരുകയാണ്. വെടിയേറ്റ് പരിക്ക് പറ്റിയവരില് ഒരു കുട്ടിയും ഉള്പ്പെടുന്നു. കലാപത്തില് മരിച്ചവരുടെ വിവരങ്ങള് പുറത്തുവിട്ടു തുടങ്ങിയിട്ടുണ്ട്. പ്രദേശത്ത് നൂറുകണക്കിന് കടകളും വാഹനങ്ങളും കത്തിച്ചു. മതം ചോദിച്ച് പലയിടത്തും ആളുകളെ മര്ദ്ദിച്ചു. പത്തിടങ്ങളില് നിരോധനാജ്ഞ തുടരുകയാണ്. നാലിടങ്ങളില് കര്ഫ്യൂ പ്രഖ്യാപിച്ചു. മൗജ് പൂര്, ജാഫറാബാദ്, ചാന്ദ്ബാദ്, കര്വാള് നഗര് എന്നിവിടങ്ങളിലാണ് കര്ഫ്യൂ. മേഖലയില് മാര്ച്ച് 4 വരെ നിരോധനാജ്ഞ തുടരും.
ये लक्ष्मी नगर भाजपा का विधायक क्या कर रहा है? @AmitShah शांति बहाली के लिये सर्वदलीय मीटिंग का दिखावा करते हैं और उनके विधायक दंगा भड़काने में लगे हैं। pic.twitter.com/zxl5C90VH9
— Sanjay Singh AAP (@SanjayAzadSln) February 25, 2020
Read more