ബി.ജെ.പിയിൽ ചേരുമെന്ന അഭ്യൂഹങ്ങൾ തള്ളി കോൺഗ്രസ് നേതാവും അഭിഭാഷകനുമായ അഭിഷേക് സിങ്‌വി. “എന്നെക്കുറിച്ച് ഗോസിപ്പ് (പരദൂഷണം) നടത്തുന്നവർക്ക്: എന്നെ നിങ്ങളുടെ ലോകത്തിന്റെ കേന്ദ്രമാക്കി മാറ്റിയതിന് നന്ദി. ഗോസിപ്പ് പിശാചിന്റെ വാക്കുകളാണ്. അതിനാൽ അവന്റെ പ്രചാരകനാകരുത്‌.” കോൺഗ്രസ് നേതാവ് അഭിഷേക് മനു സിങ്‌വി വ്യാഴാഴ്ച വൈകുന്നേരം ട്വീറ്റ് ചെയ്ത പോസ്റ്ററുകളിൽ എഴുതിയ സന്ദേശങ്ങളാണിവ.
— Abhishek Singhvi (@DrAMSinghvi) May 7, 2020
സുപ്രീംകോടതിയുടെ മുതിർന്ന അഭിഭാഷകനാണ് സിങ്‌വി, നിരവധി തവണ കോൺഗ്രസ് പാർട്ടിയെ സുപ്രീം കോടതിയിൽ പ്രതിനിധീകരിച്ചിട്ടുണ്ട്. പാർട്ടിയുടെ വക്താവും രാജ്യസഭയിൽ പശ്ചിമ ബംഗാളിനെ പ്രതിനിധീകരിക്കുന്ന പാർലമെന്റ് അംഗവുമാണ് അദ്ദേഹം.
— Abhishek Singhvi (@DrAMSinghvi) May 7, 2020
Read more
അഭിഷേക് മനു സിങ്‌വി കോൺഗ്രസ് വിട്ട് ബി.ജെ.പിയിൽ ചേരുമെന്ന് ട്വിറ്ററിൽ പ്രചാരണം നടക്കുന്നുണ്ടായിരുന്നു. ഇതിനെതിരെയാണ് ട്വിറ്ററിൽ തന്നെ സന്ദേശവുമായി അദ്ദേഹം എത്തിയത്.
