അരൂര് മണ്ഡലത്തിലെ റോഡ് നിര്മ്മാണം തിരഞ്ഞെടുപ്പുചട്ടം ലംഘിച്ചു എന്നുകാട്ടി ആലപ്പുഴ ഡി.സി.സി പ്രസിഡന്റ് എം. ലിജു മുഖ്യ തിരഞ്ഞെടുപ്പ് ഓഫീസര്ക്ക് പരാതി നല്കി.
അരൂരിലെ യു.ഡി.എഫ് സ്ഥാനാര്ത്ഥി ഷാനിമോള് ഉസ്മാനെതിരെ ജാമ്യമില്ലാ വകുപ്പ് പ്രകാരം കേസെടുക്കാന് ഇടയാക്കിയ എരമല്ലൂര്- പാറായിക്കവല റോഡിന്റെ പണി ആരംഭിച്ചത് തിരഞ്ഞെടുപ്പ് പ്രഖ്യാപനത്തിന് ശേഷമാണെന്ന് കാണിച്ചാണ് പരാതി നല്കിയത്.
റോഡിന്റെ ടെന്ഡര് രേഖകളില് സെപ്റ്റംബര് 28-നാണ് പണി തുടങ്ങാന് അനുമതി നല്കിയതെന്ന് കാണിക്കുന്നു. സെപ്റ്റംബര് 21-നാണ് തിരഞ്ഞെടുപ്പ് പ്രഖ്യാപനം നടന്നത്. എന്നാല് സെപ്റ്റംബര് 10-ന് മുമ്പ് കരാറുകാരനു പണി അനുവദിച്ചെന്നും 18-ന് കരാര് വെച്ചുമെന്നുമാണ് പൊതുമരാമത്ത് അധികൃതര് പറയുന്നത്.
മരാമത്ത് അധികൃതര് പറയുന്നത് ശരിയാണെങ്കില് പണി അനുവദിക്കുന്നതിന് മുമ്പു തന്നെ പണി ആരംഭിച്ചിട്ടുണ്ട്. സെപ്റ്റംബര് 27-ന് രാത്രി പണി നടക്കുമ്പോഴാണ് ഷാനിമോള് ഉസ്മാനും യു.ഡി.എഫ് സംഘവും നിര്മ്മാണം തടഞ്ഞതും ഇവര്ക്കെതിരെ ജാമ്യമില്ലാ വകുപ്പു പ്രകാരം കേസെടുത്തതും.
Read more
സംഭവത്തില് വിശദമായ അന്വേഷണം നടത്താന് ഉടനടി ഉത്തരവിറക്കണമെന്നും പരാതിയില് പറയുന്നു.