കേരള ഹൈക്കോടതിയിലെ രണ്ട് മുൻ ജഡ്ജിമാർ ബി.ജെ.പിയിൽ

കേരള ഹൈക്കോടതിയിലെ രണ്ട് മുൻ ജഡ്ജിമാർ ബി.ജെ.പിയിൽ ചേർന്നു. ജഡ്ജിമാരായിരുന്ന പി എൻ രവീന്ദ്രൻ, വി ചിദംബരേഷ് എന്നിവരാണ് ബിജെപിയിൽ ചേർന്നത്.

ഇതുസംബന്ധിച്ച വാർത്ത ഇന്ത്യൻ എക്സ്പ്രസാണ് റിപ്പോർട്ട് ചെയ്തത്. ബി ജെ പി സംസ്ഥാന അദ്ധ്യക്ഷൻ കെ സുരേന്ദ്രൻ നയിക്കുന്ന വിജയയാത്രയ്ക്ക് ഞായറാഴ്ച തൃപ്പുണിത്തുറയിൽ നടന്ന സ്വീകരണ പരിപാടിക്കിടെ ആയിരുന്നു മുൻ ജഡ്ജിമാർ ബി ജെ പി അംഗത്വം സ്വീകരിച്ചത്.

‘ലവ് ജിഹാദ്’ നിയമത്തെ പിന്തുണയ്ക്കുന്നുവെന്ന് അറിയിച്ചു കൊണ്ട് ഉത്തർപ്രദേശ് മുഖ്യമന്ത്രി യോഗി ആദിത്യനാഥിനെ കത്തയച്ചതുമായി ബന്ധപ്പെട്ട് മുൻ ഹൈക്കോടതി ജഡ്ജിമാരായിരുന്ന പി എൻ രവീന്ദ്രൻറേയും വി ചിദംബരേഷിൻറേയും പേരുകൾ അടുത്തിടെ വാർത്തകളിൽ ഇടംപിടിച്ചിരുന്നു. ‌