ശക്തമായ മഴയ്ക്ക് പിന്നാലെ സംസ്ഥാനത്ത് ജലനിരപ്പ് ഉയരുന്നതിനെ തുടര്‍ന്ന് ഡാമുകള്‍ തുറക്കുന്നു. ഇടവേളയ്ക്ക് ശേഷം മഴ കനത്തതോടെയാണ് ഡാമുകളിലെ നീരൊഴുക്ക് ശക്തമായത്. തുടര്‍ന്ന് നിരവധി അണക്കെട്ടുകളുടെ ഷട്ടറുകള്‍ തുറന്നു.
ഇടമലയാര്‍ ഡാമില്‍ റെഡ് അലര്‍ട്ട് പ്രഖ്യാപിച്ചു.ആളിയാര്‍ ഡാമിന്റെ അഞ്ചു ഷട്ടറുക്കളും തുറന്നു. അരുവിക്കര ഡാമിന്റെ ഷട്ടറുകള്‍ 300 സെന്റിമീറ്റര്‍ ഉയര്‍ത്തി. പേപ്പാറ ഡാമിന്റെ ഷട്ടറുകള്‍ 180 സെന്റിമീറ്റര്‍ ഉയര്‍ത്തി. ഒപ്പം തേന്‍മല ഡാമിന്റെ മൂന്നു ഷട്ടറുകള്‍ രാവിലെ 11ന് തുറക്കും.
തൃശൂര്‍ പെരിങ്ങല്‍ക്കുത്ത് ഡാമിന്റെ രണ്ടു ഷട്ടറുകളും വൈകിട്ട് തുറക്കും. ചാലക്കുടി പുഴയോരത്തുള്ളവര്‍ക്ക് ജാഗ്രത നിര്‍ദേശം നല്‍കി.
ഇന്ന് അതിതീവ്ര മഴയ്ക്ക് സാധ്യത
Read more
സംസ്ഥാനത്ത് ഇന്ന് അതിതീവ്ര മഴയ്ക്ക് സാധ്യതയുള്ളതായി കേന്ദ്ര കാലാവാസ്ഥാ വകുപ്പ്. വിവിധ ജില്ലകളില്‍ ഓറഞ്ച്, റെഡ് അലേര്‍ട്ടുകള്‍ പ്രഖ്യാപിച്ചു.തിരുവനന്തപുരം, കൊല്ലം, പത്തനംതിട്ട, ഇടുക്കി ജില്ലകളിലാണ് റെഡ് അലേര്‍ട്ട് പ്രഖ്യാപിച്ചിട്ടുള്ളത്. ആലപ്പുഴ, കോട്ടയം, എറണാകുളം എന്നീ ജില്ലകളില്‍ ഓറഞ്ച് അലേര്‍ട്ടാണ്. തൃശൂര്‍, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോട് ജില്ലകളില്‍ യെല്ലോ അലേര്‍ട്ടും പ്രഖ്യാപിച്ചിട്ടുണ്ട്.
